Mae gan y parth teuluoedd lwyth o sioeau byw ac arddangosiadau i ddiddanu plant ac oedolion fel ei gilydd. Yn y parth hwn fe welwch hefyd rai digwyddiadau digidol byw yn ogystal â rhai wedi'u recordio ymlaen llaw fel y gallwch chi a'ch teulu gymryd rhan yn yr arbrofion hwyliog a'r gweithdai rhyngweithiol yng nghysur eich cartref eich hun!
10am-5pm | Oedran 13+ | Digwyddiad Mewn Person
Cymerwch eich ffyn hud a gwisgwch eich clogynnau, gan fod byd y dewiniaid yn dod i Abertawe! Ymunwch â ni am ddigwyddiad hud a lledrith newydd sbon, hollol swynol sydd yn mynd â'r chwaraewr ar daith ryfeddol a hudol i fyd llawn dewiniaeth ddu, lle bydd timau'r muggles yn cystadlu i ddod o hyd i dystion rhithwir, datrys cliwiau a threchu endidau tywyllaf y deyrnas. Dyma geo-chwarae ar ei orau!
10-11am | Oedran 8+ | Digwyddiad Rhithwir
Ydych chi erioed wedi meddwl sut y gall gwyfyn weld? Neu pam mae rhai deunyddiau'n dal dŵr? Ymunwch â’r Gwyddonydd Deunyddiau Dr Mark Coleman, yn fyw ym Mhrifysgol Abertawe wrth iddo ddefnyddio Microsgop Sganio Electron i ymchwilio i’r byd ar raddfa ficro a nano, gan edrych ar wrthrychau bob dydd fel nad ydych erioed wedi eu gweld o’r blaen.
10.30-11am & 12.30-1pm | Oedran 2+ | Digwyddiad Mewn Person
Mae Dr Sarah yn dod â’i phecyn swigod i Abertawe! Byddwn yn creu swigod mawr, swigod bach ac yn archwilio siapau a lliwiau.
Gwahanol amserau – cliciwch ar ‘Archebwch Nawr’ am fwy o wybodaeth | Oedran 8-14 | Digwyddiad Mewn Person
Taith i weithdy llawn hwyl, lle bydd yn rhaid i chi redeg ein model-rheilffordd! Ydych chi erioed wedi meddwl sut mae gyrwyr trenau yn gwybod pryd i stopio neu arafu er mwyn osgoi traffig? Mae yna system gyfrinachol! Dewch i fod yn beiriannydd am y dydd: rheoli cyflymder a chyfeiriadau ein trenau wrth iddyn nhw redeg o amgylch y cledrau.
11-11.30am & 1-1.30pm | Pob Oedran | Digwyddiad Mewn Person
Ymunwch â Xplore! i ddarganfod peth o'r wyddoniaeth ryfedd a rhyfeddol y gellir ei harchwilio gan ddefnyddio bwyd. Mae'n sioe sy'n hawdd ei threulio, yn faethlon ac yn berffaith i'r teulu cyfan!
11am-12pm, 1-2pm & 3-4pm | Oedran 8+ | Digwyddiad Mewn Person
Ymunwch â ni ar gyfer gweithdy hynod o greadigol sy’n archwilio eich straeon unigol trwy dynnu lluniau ac adrodd straeon. Cewch gyfle i brofi eich sgiliau creadigol trwy dynnu lluniau o’ch cymeriadau eich hunain a’u gosod yn erbyn ein cefndir Abertawe godidog. Yna, cewch gyfle i ddod â’ch straeon yn fyw!
1.30am,11.30am & 2.30pm| Oedran 10-16 | Digwyddiad Mewn Person
Ydych chi erioed wedi meddwl beth fyddai'n digwydd pe bai firws Zombie yn dechrau lledaenu ledled y wlad? A yw'n bosibl atal y lledaeniad, sut fyddech chi'n rhagweld faint o bobl a allai gael eu heintio a pha fesurau y gallech eu rhoi ar waith i arafu'r ymlediad?
1-1.45pm | Oedran 5+ | Digwyddiad Mewn Person
Sut roedd pobl yr Hen Aifft yn sicrhau eu lle yn y bywyd tragwyddol? Roedd yn rhaid i’w hanwyliaid ddilyn yr holl ddefodau cywir. Byddwn ni’n dysgu am bwysigrwydd y broses yn niwylliant Eifftaidd, y camau i’w dilyn ar gyfer creu mymi – a’r gwersi gwyddonol sy’n cael eu defnyddio hyd heddiw! Teithiwch yn ôl mewn amser ac ymunwch â ni i gymryd rhan yn y traddodiad hynafol hwn.
2.30-3pm & 4.30-5pm | Oedran 2+ | Digwyddiad Mewn Person
Ydych chi erioed wedi cyffwrdd neu glywed cwmwl? Ydych chi erioed wedi arogleuo cwmwl mefus? Wel gallwch wneud yn union hyn gyda’r Ffatri Cymylau!
4-5pm & 6-7pm | Oedran 6+ | Digwyddiad Mewn Person
Gwisgwch eich sbectol diogelwch! Brainiac yn Fyw! Academi Ditectif, mae'r tîm gwyddoniaeth mwyaf cyfnewidiol a gwych yn cyrraedd am y tro cyntaf yn Amgueddfa Genedlaethol y Glannau!
Trwy’r Dydd | Pob Oedran | Digwyddiad Mewn Person
Mae Oriel Science yn brosiect gan Brifysgol Abertawe sy'n creu arddangosion ysbrydoledig a rhyngweithiol ar sail ymchwil anhygoel ein Prifysgol er mwyn meithrin chwilfrydedd ac yn arddangos y rhain i'r gymuned. Rydym yn falch o gyhoeddi bod ein gofod arddangos newydd sbon yng nghanol Dinas Abertawe nawr ar agor. Mae rhagor o wybodaeth am ein horiau agor a sut i archebu'ch tocynnau ar gael yma.
10.30-11.15am | Oedran 6+ | Digwyddiad Mewn Person
Ymuna â ni wrth inni ddathlu ac archwilio bioleg ryfeddol anifeiliaid mwyaf angenfilaidd y byd - wyddet ti fod madfall fawr â chyrn byr yn saethu gwaed o'i llygaid?!Dysga am yr addasiadau sy'n gwneud yr anifeiliaid hyn yn anhygoel a sut gwnaeth creaduriaid mor erchyll esblygu yn y lle cyntaf!
10.30am, 1.30pm & 3.00pm | Oedran 10-16 | Digwyddiad Mewn Person
Ydych chi erioed wedi meddwl beth fyddai'n digwydd pe bai firws Zombie yn dechrau lledaenu ledled y wlad? A yw'n bosibl atal y lledaeniad, sut fyddech chi'n rhagweld faint o bobl a allai gael eu heintio a pha fesurau y gallech eu rhoi ar waith i arafu'r ymlediad?
Gwahanol amserau – cliciwch ar ‘Archebwch Nawr’ am fwy o wybodaeth | Oedran 8-14 | Digwyddiad Mewn Person
Taith i weithdy llawn hwyl, lle bydd yn rhaid i chi redeg ein model-rheilffordd! Ydych chi erioed wedi meddwl sut mae gyrwyr trenau yn gwybod pryd i stopio neu arafu er mwyn osgoi traffig? Mae yna system gyfrinachol! Dewch i fod yn beiriannydd am y dydd: rheoli cyflymder a chyfeiriadau ein trenau wrth iddyn nhw redeg o amgylch y cledrau.
Gwahanol amserau – cliciwch ar ‘Archebwch Nawr’ am fwy o wybodaeth | Oedran 5+ | Digwyddiad Mewn Person
Beth am adeiladu a lansio eich roced eich hun! A allwch chi gael y roced i gyrraedd y targed? Beth sy'n digwydd os byddwch yn newid y dyluniad? Yn y gweithdy hwn, byddwch yn darganfod yr atebion i'r cwestiynau hyn a llawer mwy!
11-11.45am & 1-1.45pm | Oedran 9+ | Digwyddiad Mewn Person
Ydych chi erioed wedi meddwl sut brofiad fyddai cael cwpanau coffi wedi’u creu o goffi, cadeiriau wedi’u creu o fadarch, neu hyd yn oed gallu bwyta eich potel ddŵr eich hun?! Wel, os felly, gallai’r gweithdy hwn fod yn berffaith i chi!
11-11.45am, 1-1.45pm & 3-3.45pm | Oedran 7-12 | Digwyddiad Mewn Person
Ymunwch â ni wrth i ni edrych ar rai o'r golygfeydd cosmig mwyaf anhygoel sydd wedi’i dal a mynd â chi ar daith o amgylch yr hyn y gallwch chi ei weld yn awyr y nos o'ch gardd gefn eich hun.
Mae sioeau 11am a 1pm try gyfrwng y Saenseg
12.15-1pm | Oedran 6+ | Digwyddiad Mewn Person
Pa blaned yw'r un fwyaf poeth? P'un fyddai'n arnofio ar wyneb pwll nofio? A faint o ofod sydd yn y gofod? Ymuna â ni ar gyfer y sioe fyw hon er mwyn gweld yr arbrofion y gelli di eu hail-greu gartref a dysgu am yr hyn y gelli di ei weld os wyt ti ddim ond yn edrych i fyny!
2.45-3.30pm | Oedran 7+ | Digwyddiad Mewn Person
Ymunwch â’r Sefydliad Brenhinol clodwiw am sioe sy’n llawn arbrofion a ffrwydradau. Bydd y sioe hon sy’n llawn hwyl a halibalŵ yn eich gwefru’n llawn!
4.30-5.15pm | Oedran 7+ | Digwyddiad Mewn Person
Ymunwch â’r Royal Institution a fydd yn cyflwyno arddangosiadau bywiog gyda thân a fydd yn eich helpu i wybod y gwahaniaeth rhwng egni elastig ac egni disgyrchol, ac yn tanio’ch brwdfrydedd am egni!!
Trwy’r Dydd | Pob Oedran | Digwyddiad Mewn Person
Mae Oriel Science yn brosiect gan Brifysgol Abertawe sy'n creu arddangosion ysbrydoledig a rhyngweithiol ar sail ymchwil anhygoel ein Prifysgol er mwyn meithrin chwilfrydedd ac yn arddangos y rhain i'r gymuned. Rydym yn falch o gyhoeddi bod ein gofod arddangos newydd sbon yng nghanol Dinas Abertawe nawr ar agor. Mae rhagor o wybodaeth am ein horiau agor a sut i archebu'ch tocynnau ar gael yma.
1.30-2.15pm | Pob Oedran | Digwyddiad Mewn Person
Archwiliwch yr wyddoniaeth ryfedd y tu ôl i bethau pob dydd wrth i Stefan Gates, Gastronot y BBC, fynd i'r afael â chwestiynau megis Pam na allwch doddi Flake? Beth yw pwrpas bwganod? A oes modd gwneud plasma chwilboeth mewn microdon?
3.30-4.15pm | Pob Oedran | Digwyddiad Mewn Person
Ymunwch â ni ar gyfer ffrwydradau, diodydd sy'n disgleirio a straeon pryfed cudd yn ein malws melys. Mae'r sioe'n llawn cemeg, bioleg a ffiseg ac mae llawer o arddangosiadau y gallwch roi cynnig arnynt gartref...yn ogystal â rhai na ddylech roi cynnig arnynt gartref o gwbl!
