Mae Sefydliad Astudiaethau Uwch Morgan (SAUM) yn gymuned, yn fudiad sy’n canolbwyntio ar fynd i’r afael ag ysgolheictod a gwaith ymchwil o safon fyd-eang gydag effaith a phwrpas. Rydym yn meithrin timau rhyngddisgyblaethol er mwyn diffinio ac ymdrin â phroblemau mwyaf taer y byd (gweler: https://www.swansea.ac.uk/cy/y-brifysgol/sefydliad-astudiaethau-uwch-morgan/).
Bob blwyddyn, rydym yn buddsoddi mewn Digwyddiadau Pennu Agendâu, ymhlith mentrau eraill. Digwyddiadau preswyl a gynhelir yn Abertawe dros sawl diwrnod yw’r rhain, lle bydd rhwng 20 a 30 o arweinwyr agweddau o bob rhan o’r DU a’r byd yn cael eu gwahodd i ddod ynghyd i drafod a llunio rhaglen gydweithredol hollbwysig.
Ar hyn o bryd, rydym yn gwahodd ceisiadau ar gyfer digwyddiadau 2023. Disgwyliwn y bydd modd inni fuddsoddi mewn tri digwyddiad, gan roi hyd at £8000 ar gyfer pob un. (Gellir defnyddio’r arian i dalu costau teithio a chynhaliaeth y cyfranogwyr, a hefyd i dalu am gostau cyfarfodydd yn cynnwys costau arlwyo). Y thema ar gyfer eleni yw “Allan o’r moroedd meirwon, gyda gwynt yn yr hwyliau”: ymddengys fod y byd wedi mynd i rigol ar hyn o bryd o ran delio â nifer o faterion, pa un a yw hynny’n ymwneud ag ymateb i newid hinsawdd neu ofal iechyd a all dyfu yn unol â’r anghenion. Wrth gwrs, mae yna feysydd deallusol hefyd sy’n sownd mewn dyfroedd disymud, y mae angen rhoi hwb o’r newydd iddynt. Rydym yn chwilio am ddigwyddiadau a fydd yn symud pethau yn eu blaen o’i hochr hi!
Cymhwystra:
Rhaid i’r digwyddiad gael ei gydarwain gan gydweithwyr o ddwy gyfadran fan leiaf.
Mae croeso i gydweithwyr gyrfa gynnar arwain ceisiadau; ond os ydych yn ymchwilydd PhD neu ôl-ddoethurol, a wnewch chi gynnwys aelod parhaol o staff yn eich tîm arwain.
Mae’r alwad ar agor i gydweithwyr academaidd a chydweithwyr gwasanaethau proffesiynol.
I ymgeisio:
Anfonwch PDF dwy dudalen i’r cyfeiriad e-bost isod. Dylai’r PDF restru’r trefnwyr (a’u Cyfadrannau); rhestru’r cyfranogwyr gwadd; nodi’r gyllideb; ac ymdrin â’r meini prawf asesu yn llawn (gweler isod).
Dyma’r cyfeiriad e-bost y dylid ei ddefnyddio: hellomasi@swansea.ac.uk
Meini Prawf Asesu:
- Newydd-deb, antur ac uchelgais y pwnc
- Statws y gwahoddedigion arfaethedig o ran ymchwil ac ysgolheictod
- Natur ryngddisgyblaethol y digwyddiad
- Sut y mae’n cyd-fynd â strategaethau cyllido UKRI – a allai’r digwyddiad hwn arwain at brosiect a ariennir yn allanol?
- Sut y mae’n cyd-fynd â strategaethau ymchwil y Brifysgol a’r Gyfadran
- Fformat a chanlyniadau’r gweithdy – rydym yn annog gweithgareddau dychmygus, creadigol a chanlyniadau clir (yn cynnwys Adroddiad Digwyddiad Pennu Agenda gorfodol).
- Cynwysoldeb ac amrywiaeth y digwyddiad
- Gwerth am arian
- Sut y mae’n ymwneud â’r thema
Y Broses Asesu:
Bydd y cynigion yn cael eu hasesu gan dri adolygydd fan leiaf, a ddewisir ar draws y Brifysgol. Bydd y penderfyniadau cyllido’n cael eu gwneud yn bennaf ar sail yr adroddiadau hyn, ynghyd ag unrhyw ystyriaethau strategol y cred y panel eu bod yn bwysig.
Dyddiadau Pwysig:
- Yr Alwad yn agor: 3 Chwefror 2023
- Dyddiad cau ar gyfer anfon ceisiadau: 3 Mawrth 2023
- Penderfyniadau: 10 Mawrth 2023
- Digwyddiadau Pennu Agendâu: Ebrill – dechrau Mehefin 2023 (Rhaid cadarnhau’r holl wariant erbyn dechrau Gorffennaf)
Ceisiadau Llwyddiannus:
Yn ogystal â threfnu’r digwyddiad, bydd angen i’r ymgeiswyr llwyddiannus ysgrifennu papur gwyn byr yn pennu’r agenda a grëwyd. Bydd y papur hwn yn cael ei gyhoeddi ar wefan SAUM.
I gael rhagor o wybodaeth, cysylltwch â’r canlynol: hellomasi@swansea.ac.uk
