Coronafeirws: Canllawiau Ar Gyfer Prifysgol Abertawe

Os oes gennych chi unrhyw symptomau Covid-19, arhoswch gartref gyda phawb sy’n rhannu tŷ â chi a ffoniwch 01639 862757 i drefnu prawf yn abertawe ar yr un diwrnod drwy gig Bae Abertawe.  

Rhowch wybod yn ystod eich galwad os oes gennych chi unrhyw anawsterau o ran cludiant.  

Bydd angen i chi hefyd e-bostio coronavirus-staff@abertawe.ac.uk os bydd gennych unrhyw symptomau, os byddwch yn hunanynysu neu os cewch brawf positif. 

Mae cyfyngiadau symud newydd wedi cael eu cyhoeddi gan Lywodraeth Cymru sy'n golygu o 6pm heddiw (nos Lun 28 Medi) y bydd Castell-nedd Porth Talbot, sy'n cynnwys Campws y Bae, yn destun y cyfyngiadau symud lleol, yn ogystal ag Abertawe.

Er na fydd neb yn cael dod i mewn i'r ardaloedd sy'n destun y cyfyngiadau symud neu eu gadael heb esgus rhesymol, mae Addysg a Gwaith yn eithriadau dilys sydd hefyd yn cynnwys teithio rhwng ardaloedd sy'n destun cyfyngiadau symud.  Yn gryno:

• Nid yw'r cynlluniau ar gyfer addysgu wyneb yn wyneb wedi newid ac mae'r holl fesurau diogelu blaenorol, megis cadw pellter cymdeithasol, glanhau, mygydau wyneb, hylif diheintio dwylo a lleihau nifer y bobl ar y campws, ar waith o hyd.
• Gall myfyrwyr sydd eisoes yn mynychu'r campws barhau i wneud hynny.Gall staff addysgu sydd eisoes yn mynychu'r naill campws neu'r llall barhau i wneud hynny.
• Gall ymchwilwyr sydd eisoes wedi bod yn gweithio ar y campws ac nad ydynt yn gallu gweithio gartref barhau i fynychu'r campws, ar yr amod y cytunwyd ar hyn â'u rheolwr llinell a bod asesiadau risg priodol wedi'u cynnal.
• Gall staff nad ydynt yn addysgu a ddychwelodd i'r campws yn ystod 'cam dau' barhau i fynychu'r campws.   Cysylltwch â'ch rheolwr llinell os ydych yn ansicr ynghylch eich statws.
• Rydym yn cynghori'r holl aelodau staff eraill i barhau i weithio gartref.  

Mae'r staff sy'n gallu gweithio o bell yn parhau i wneud hynny wrth i'r broses o ddychwelyd yn raddol i weithio ar ein campysau fynd rhagddi. Mae dychwelyd i'r campysau'n broses gymhleth iawn a chaiff ei rheoli'n ofalus. Bydd myfyrwyr ac aelodau o staff yn cael gwybodaeth fanylach gan eu Cyfarwyddiaeth, eu Coleg neu eu Hysgol.

Ni chaniateir mynediad heb awdurdod i unrhyw adeilad ar ein campysau, nac unrhyw safle na chyfleuster arall sy'n eiddo i Brifysgol Abertawe, gan gynnwys pob labordy ymchwil. Rhaid i fynediad barhau i gael ei awdurdodi'n briodol. Gweler yr wybodaeth am fynediad i adeiladau ar y tudalennau i Staff a Rheolwyr Staff a Myfyrwyr Ôl-raddedig ar gyfer y broses a'r ffurflen awdurdodi.

• Mae ein neuaddau preswyl ar agor.
• Mae'r wybodaeth ddiweddaraf am Wasanaethau Llyfrgell a TG ar gael ar eu tudalennau gwe neu drwy e-bostio gwasanaethau cwsmeriaid. Mae ein llyfrgelloedd ar gau i'r cyhoedd.
• Ceir gwybodaeth am oriau agor a mesurau diogelwch yn ein lleoliadau drwy fynd i dudalennau'r gwasanaethau arlwyo.
• Mae Taliesin, y Neuadd Fawr a'r Ganolfan Eifftaidd ar gau nes y cyhoeddir yn wahanol.
• Ceir yr wybodaeth ddiweddaraf am oriau agor, mesurau diogelwch a chadw lle drwy fynd i dudalen we'r cyfleusterau chwaraeon.

Rydym yn llunio ein dulliau cyflwyno er mwyn sicrhau y bydd pob myfyriwr – boed yn Abertawe, yn rhywle arall yn y DU neu'r rhai o bedwar ban byd a fydd yn ymuno â ni'n ddiweddarach yn y flwyddyn academaidd pan fydd yr amgylchiadau'n caniatáu hynny – yn rhan lawn o'n cymuned

Cyflwynir pob rhaglen astudio mewn ffordd ddeuol, gan gyfuno addysgu ar-lein ac wyneb yn wyneb fel y bo'n briodol.

• Cyflwynir addysg wyneb yn wyneb mewn fformat cymysg heb unrhyw ddarlithoedd mawr i ddechrau.
• Byddwn yn cofrestru ac yn ymsefydlu myfyrwyr ar-lein yn ogystal â chynnal wythnos groeso ym mis Medi a mis Ionawr.
• Bydd llety'r Brifysgol ar gael fel arfer gyda mesurau cadw pellter cymdeithasol priodol ar waith.
• Byddwn yn cynorthwyo ac yn cefnogi myfyrwyr rhyngwladol, os bydd rheolaethau cwarantin ar waith ar yr adeg pan fyddant yn cyrraedd.

Byddwn yn rhoi diweddariadau rheolaidd i staff, myfyrwyr presennol a darpar fyfyrwyr.