mewn RHEOLAETH TWRISTIAETH RYNGWLADOL, MSc

Mae MSc mewn Rheoli Twristiaeth Ryngwladol Prifysgol Abertawe bydd yn eich arfogi â'r sgiliau a'r ddealltwriaeth y mae eu hangen i werthuso dyfodol y diwydiant twristaidd yn feirniadol, boed yn y DU neu dramor.

Ymwadiad: Gall dewis modiwlau newid

Rhaid i fyfyrwyr  ennill gradd israddedig 2:1 (neu radd gyfatebol o dramor) neu radd israddedig mewn twristiaeth (e.e. rheoli twristiaeth, teithio a thwristiaeth, astudiaethau hamdden), y gwyddorau cymdeithasol (e.e. daearyddiaeth) neu bwnc sy'n gysylltiedig â busnes (e.e. rheoli busnes, astudiaethau busnes, marchnata, entrepreneuriaeth, economeg).

Rydym yn ystyried pob cais yn unol â’i deilyngdod ac yn edrych ar bob cais unigol cyn cyflwyno cynnig, felly dylai myfyrwyr sydd ychydig yn brin ar y meini prawf uchod barhau i ymgeisio i’r Ysgol Reolaeth.

Rhaid i fyfyrwyr nad ydynt yn siaradwyr brodorol y Saesneg gael sgôr IELTS gyffredinol o 6.5 heb lai na 5.5 ym mhob elfen. Ceir rhestr o'r profion cyfatebol yma. Os ydych wedi astudio cwrs gradd a addysgwyd drwy gyfrwng y Saesneg, gallwch gael eich eithrio o'r gofyniad hwn – cliciwch yma i gael rhagor o wybodaeth.

Rydyn ni'n falch o gynnig profiad addysgol rhagorol, gan ddefnyddio'r ymagweddau dysgu ac addysgu mwyaf effeithiol, sydd wedi cael eu teilwra'n ofalus i gydweddu ag anghenion penodol eich cwrs. Addysgir ein cyrsiau wyneb yn wyneb, ar y campws, sy’n galluogi chi i ymgysylltu'n llawn â'ch darlithwyr a'ch cyd-fyfyrwyr. 

Mae sesiynau sgiliau ymarferol, seminarau, a gweithdai yn cael eu cynnal wyneb yn wyneb fel arfer, gan ganiatáu i chi weithio a chyflwyno mewn grŵp. Fodd bynnag, mae ein hymagwedd hefyd yn cynnwys defnyddio cymorth ar-lein i ategu ac atgyfnerthu addysgu wyneb yn wyneb traddodiadol. 

Efallai y bydd dysgu ar-lein yn digwydd yn 'fyw' gan ddefnyddio meddalwedd fel Zoom, a fydd yn eich galluogi i ryngweithio â'r darlithydd a'ch cyfoedion ac i ofyn cwestiynau. Mae recordio darlithoedd yn cynnig mwy o hyblygrwydd o ran ail-edrych ar ddeunydd a gwella’ch dysgu y tu allan i'r ystafell ddosbarth. Mae gan rai modiwlau adnoddau ychwanegol yn ein hamgylchedd dysgu rhithwir (Canvas), megis fideos, sleidiau a chwisiau sy'n galluogi astudiaeth hyblyg bellach. 

O leiaf 40 credyd

Mae'n bosib astudio o leiaf 40 credyd o'r cwrs ôl-raddedig hwn drwy gyfrwng y Gymraeg. Mae nifer o adrannau'r Brifysgol yn datblygu ac yn cynnig modiwlau cyfrwng Cymraeg neu fodiwlau dwyieithog fel rhan o'u cyrsiau felly bydd angen i ti drafod y posibiliadau gyda'r Cyfarwyddwr Rhaglen perthnasol. Gelli astudio modiwl/modiwlau trwy gyfrwng y Gymraeg lle bo'r cyfle neu gyflwyno dy draethawd estynedig yn y Gymraeg gydag arweiniad gan arbenigwr pwnc trwy gyfrwng y Gymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Yr opsiwn i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Byddwch yn cael eich addysgu gan dîm o academyddion profiadol o gefndiroedd ymchwil, academaidd a phroffesiynol. Mae eu gwybodaeth a'u harbenigedd helaeth yn berthnasol iawn i gynnwys y modiwl sy'n cael ei addysgu, gan sicrhau eich bod yn dysgu'r wybodaeth ddiweddaraf a mwyaf perthnasol a'ch bod yn datblygu'r wybodaeth, y sgiliau proffesiynol a'r arbenigedd angenrheidiol i lansio'ch gyrfa ym maes rheoli.

Cewch fwy o wybodaeth am ein staff academaidd drwy ddarllen ein proffiliau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae'r Ysgol Reolaeth hefyd yn cynnig Ysgoloriaethau Datblygu Dyfodol ar gyfer myfyrwyr ôl-raddedig (a addysgir) sydd wedi derbyn cynnig i astudio yn yr Ysgol Reolaeth. Mae'r ysgoloriaeth yn talu £3,000 am un flwyddyn academaidd a chaiff y swm hwn ei  ddidynnu'n awtomatig o'ch ffioedd dysgu.

Mae'r ysgoloriaeth yn annog myfyrwyr i ddatblygu nifer o sgiliau proffesiynol wrth iddynt weithio gyda'r Ysgol drwy gydol y flwyddyn academaidd.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Modiwl Taith Astudio

Mae hwn yn fodiwl gorfodol ar gyfer MSc Rheoli Twristiaeth Ryngwladol.  Sylwer bod cost ychwanegol ar gyfer y modiwl hwn - bydd y gost yn amrywio gan ddibynnu ar y cyrchfan ond, fel arfer, bydd rhwng £500 a £1,000.

Os na fydd myfyriwr yn gallu mynd ar y daith maes oherwydd rhesymau ariannol, personol neu symudedd, bydd yr Ysgol yn gwneud addasiadau rhesymol a/neu’n datblygu trefniadau amgen ar y cyd â’r myfyriwr. Darperir mathau asesu eraill mewn lleoliad mwy hygyrch os yw’n briodol. Bydd proses amgylchiadau esgusodol y Brifysgol yn pennu pwy sy’n gymwys am drefniadau amgen o’r fath a bydd angen cyflwyno dogfennau i gefnogi’r trefniadau y gwnaed cais amdanynt. Dylid dechrau’r broses hon cyn gynted ag y bo modd – cyn dechrau’r modiwl fan hwyraf.

Oherwydd y sefyllfa barhaus gyda’r Coronafeirws, gall teithiau maes, gan gynnwys teithiau maes rhyngwladol, newid. Byddwn yn hysbysu’r holl fyfyrwyr am newidiadau a wneir i faes llafur y rhaglen.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae gan yr Ysgol Reolaeth hefyd dîm Cyflogadwyedd mewnol dynodedig sy’n cynnig cymorth ychwanegol.
Yn ystod eich amser gyda ni, bydd gennych gyfle i:

• Ymuno â'n cynllun Mentora Cyflogadwyedd a chael eich mentora gan gyflogwr a all eich helpu i bontio o fod yn fyfyriwr i fod yn weithiwr proffesiynol.
• Siarad â’n cymuned gynyddol o gyn-fyfyrwyr.
• Gweithio a rhwydweithio â chyflogwyr o amrywiaeth o gwmnïau cenedlaethol ac amlwladol drwy ein seminarau a'n digwyddiadau.
• Gwella eich sgiliau a chwrdd â chyflogwyr yn ystod ein Modiwl Cyflogadwyedd, a gynhelir ddwywaith y flwyddyn.
• Manteisiwch ar gefnogaeth ddiderfyn 1-2-1 i ddatblygu eich profiad gyrfa
• Cadwch mewn cysylltiad am gefnogaeth am bum mlynedd ar ôl i chi raddio

Darganfod sut y gall ein Gwasanaeth Gyrfaoedd mewnol eich cefnogi.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Oherwydd y sefyllfa barhaus gyda’r Coronafeirws, gall teithiau maes, gan gynnwys teithiau maes rhyngwladol, newid. Byddwn yn hysbysu’r holl fyfyrwyr am newidiadau a wneir i faes llafur y rhaglen.

Rydym yn rhoi cyfle i fyfyrwyr astudio mewn amrywiaeth o gyrchfannau twristiaid. Mae ymweliadau yn y gorffennol wedi cynnwys Wisgi Penderyn, sef distyllfa wisgi o safon, stadiwm rygbi'r  Scarlets a thaith i Nepal. Caiff teithiau maes eu cynllunio i'ch helpu i ddeall cymhlethdodau rheoli cyrchfan twristiaeth.

Yn 2019, ymwelodd ein myfyrwyr â Nepal. Nod penodol y daith oedd ystyried datblygiad cymunedol drwy dwristiaeth ac roedd yn cynnwys ymweliadau â Kathmandu, Annapurna ac ardaloedd gwledig eraill sy'n dechrau archwilio'r manteision y gall twristiaeth eu cynnig i'w twf economaidd.

Ymweliad â Nepal 2019:

Modiwl Taith Astudio

Mae hwn yn fodiwl gorfodol ar gyfer MSc Rheoli Twristiaeth Ryngwladol.  Sylwer bod cost ychwanegol ar gyfer y modiwl hwn - bydd y gost yn amrywio gan ddibynnu ar y cyrchfan ond, fel arfer, bydd rhwng £500 a £1,000.

Os na fydd myfyriwr yn gallu mynd ar y daith maes oherwydd rhesymau ariannol, personol neu symudedd, bydd yr Ysgol yn gwneud addasiadau rhesymol a/neu’n datblygu trefniadau amgen ar y cyd â’r myfyriwr. Darperir mathau asesu eraill mewn lleoliad mwy hygyrch os yw’n briodol. Bydd proses amgylchiadau esgusodol y Brifysgol yn pennu pwy sy’n gymwys am drefniadau amgen o’r fath a bydd angen cyflwyno dogfennau i gefnogi’r trefniadau y gwnaed cais amdanynt. Dylid dechrau’r broses hon cyn gynted ag y bo modd – cyn dechrau’r modiwl fan hwyraf.