Ymarfer Cyfreithiol, PGDip

Caiff yr LPC ei haddysgu mewn dau gam, gyda'r pynciau craidd yn cael eu haddysgu yn ystod cam 1 a'r pynciau dewisol yn cael eu haddysgu yn ystod cam 2.

Rydym yn croesawu ceisiadau gan fyfyrwyr sy'n meddu ar y cymwysterau canlynol:

• Gradd 2:2 neu uwch yn y gyfraith. Rhaid i raddau gyfateb i radd gymwys yn y gyfraith fel y dynodir gan yr Awdurdod Rheoleiddio.
• Myfyrwyr sy'n meddu ar Ddiploma yn y Gyfraith i Raddedigion.

Os nad Saesneg yw eich iaith gyntaf, bydd angen marc llwyddo derbyniol arnoch mewn cymhwyster Saesneg cymeradwy megis prawf IELTS, gyda sgôr 6.5 (â sgôr o 6.0 o leiaf ym mhob elfen) neu gymhwyster cyfatebol.

Caiff yr LPC ei addysgu mewn dau gam penodol. Pynciau craidd (Cam 1) a'r pynciau dewisol (Cam 2).

Cam 1 – Pynciau Craidd

• Cyfraith ac Ymarfer Busnes
• Cyfraith ac Ymarfer Eiddo
• Ymgyfreitha (Troseddol a Sifil)
• Ewyllysiau a Gweinyddu Ystadau

Yn ogystal, cynigir sesiynau annibynnol i fyfyrwyr ym maes Ymddygiad Proffesiynol a Rheoleiddio, Cyfrifon Cyfreithwyr a Threthiant.
Caiff y pynciau hyn hefyd eu haddysgu fel rhan o'r modiwlau eraill.

Cam 2 – Pynciau Dewisol

Gall myfyrwyr ddewis 3 o blith y canlynol:

• Lesau Busnes
• Cyfraith ac Ymarfer Teulu
• Cyfraith Cyflogaeth
• Anafiadau Personol ac Esgeulustod Clinigol
• Cyfraith Fasnachol Uwch
• Cyfraith Trosedd Uwch
• Datrys Anghydfodau Masnachol

Dylid nodi efallai na fydd pob modiwl dewisol a restrir ar gael bob blwyddyn a bod y dewis yn dibynnu, ymhlith pethau eraill, ar b'un a fydd o leiaf 6 myfyriwr wedi dewis astudio'r modiwl.

Asesiadau

Cynhelir asesiadau drwy gyfrwng arholiadau ysgrifenedig, asesiadau ysgrifenedig ac asesiadau sgiliau byw (eiriolaeth a chyfweld).

Cynhelir y rhan fwyaf o'r arholiadau ysgrifenedig ar ddiwedd Cam 1 a Cham 2 o'r cwrs, ynghyd ag asesiad Sgiliau. Fel arfer, mae'r arholiadau ysgrifenedig ar ffurf 'llyfr agored' a chaniateir i fyfyrwyr fynd â llyfrau a deunyddiau a ganiateir gan yr Awdurdod Rheoleiddio Cyfreithwyr i mewn i'r arholiad gyda nhw.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Yr Awdurdod Rheoleiddio Cyfreithwyr

Mae ein Cwrs Ymarfer Cyfreithiol yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog.  Mae Ysgol y Gyfraith Hillary Rodham Clinton yn gartref i gymuned academaidd fywiog sy'n awyddus i ddeall rhai o faterion mwyaf heriol cymdeithas.

Gallwch gael gwybod mwy am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Nid yw ymgeiswyr sy'n gymwys i gael un o fwrsariaethau'r Ysgol yn gymwys i gael unrhyw ddyfarniadau eraill gan Brifysgol Abertawe. Dylai ymgeiswyr ystyried yn ofalus p'un ai un o fwrsariaethau'r Ysgol neu un o fwrsariaethau'r Brifysgol sydd fwyaf buddiol iddynt a gwneud penderfyniad yn unol â hynny.

Sylwer bod y bwrsariaethau presennol sy’n cael eu harddangos ar gyfer y flwyddyn academaidd 21/22 a gallent newid yn y dyfodol.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cyflogadwyedd yn Ysgol y Gyfraith

Mae Ysgol y Gyfraith yn gweithredu mewn modd rhagweithiol er mwyn gwella cyflogadwyedd graddedigion, ac mae ganddi Swyddog Cyflogadwyedd a Lleoliadau penodedig. Mae'r Ysgol yn cynnig amrywiaeth o leoliadau gwaith lleol, cenedlaethol a rhyngwladol, cyrsiau proffesiynol, cyngor a chymorth i'ch helpu i feithrin y sgiliau sydd eu hangen i gyflawni eich uchelgeisiau.

Ceir rhagor o wybodaeth ar ein gwe-dudalen cyflogadwyedd.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth yn Ysgol y Gyfraith

Caiff Mentor Academaidd ei neilltuo i bob myfyriwr er mwyn helpu â'r canlynol:

• Arweiniad Academaidd
• Cynllunio Datblygiad Personol
• Cyngor ar Gyflogadwyedd

Mae gan yr ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

Ewch i’n tudalen gwneud cais am yr LPC i gael rhagor o wybodaeth.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Cymdeithasau i Fyfyrwyr

Dewch i gyfarfod â'ch cyd-fyfyrwyr a chymryd rhan mewn amrywiaeth o gyfleoedd cymdeithasol drwy ymuno â'r Gymdeithas Ymchwil i Ôl-raddedigion, a gaiff ei rhedeg i fyfyrwyr, gan fyfyrwyr. 

Manylion Cyswllt
I gael rhagor o fanylion, cysylltwch â:

Ymholiadau Cyffredinol:
Ffôn: +44 (0)1792 295831
E-bost: Study

Ar gyfer Ymholiadau o'r UE/Ymholiadau Rhyngwladol:  
Ffôn: +44 (0)1792 602600
E-bost: International

Talu Ffioedd Cwrs

• Talwch eich ffioedd cwrs yn llawn wrth gofrestru
• Neu gwnewch dri thaliad mewn rhandaliadau trwy'r flwyddyn.

Cartref 

DYDDIADAU TALIADAU AR GYFER 2021/22 

Mynediad mis Medi 2021 ar gyfer myfyrwyr GDL a LPC a Addysgir 

• Rhandaliad 1af (33%) 5 Tachwedd 2021 
• 2il randaliad (33%) 1 Chwefror 2022 
• Rhandaliad Terfynol (34%) 6 Mai 2022 
  
  Rhyngwladol 
  
  MYNEDIAD MIS MEDI 2021 

• Rhandaliad 1af (O leiaf 50%) cyn cofrestru neu wrth gofrestru 
• 2il randaliad (25%) erbyn 1 Chwefror 2022 
• Rhandaliad Terfynol (25%) erbyn 6 Mai 2022 

Cyflwynir y rhaglen rhan amser yn ystod y dydd ar ddydd Mercher, ac mae'n cynnwys rhai nosweithiau Iau yn ystod y flwyddyn gyntaf. Yn ystod yr ail flwyddyn, caiff ei haddysgu yn ystod y dydd ar ddydd Iau, ac mae'n cynnwys rhai nosweithiau Mercher.

Mae'n ofynnol i chi fynychu'r dosbarthiadau a gyflwynir yn ystod y dydd, ochr yn ochr â'r myfyrwyr llawn amser yn ystod y Cwrs Sylfaen. Cewch hefyd eich addysgu ar wahân i'r myfyrwyr llawn amser am un diwrnod llawn ac un noson yr wythnos.

Mae'r deunyddiau addysgu yr un peth ar gyfer myfyrwyr rhan amser a myfyrwyr llawn amser. Gellir cynnal asesiadau ar unrhyw ddiwrnod yn ystod yr wythnos waith. Mae'r holl asesiadau hefyd yr un peth â'r asesiadau ar gyfer y cwrs llawn amser.