Niwrowyddoniaeth Feddygol, MSc

Mae modiwlau fel arfer yn cynnwys:

• Sylfeini mewn Niwrowyddoniaeth Feddygol
• Niwroanatomeg Feddygol
• Materion Cyfoes mewn Gwyddor Feddygol
• Niwroddirywiad a Thrwsio
• Dysgu Uwch, Cof a Gwybyddiaeth
• Technegau Mesur Labordy ar gyfer Gwyddorau Meddygol
• Cyfathrebu Gwyddoniaeth
• Traethawd Hir Meistr Ôl-raddedig a Addysgir

Dyma’r gofynion mynediad sydd eu hangen i gael cynnig lle ar y cyrsiau:

O leiaf gradd BSc (Anrh) 2:1 mewn pwnc Biowyddoniaeth/Gwyddoniaeth Bywyd, fel:

• Gwyddor Feddygol
• Biocemeg
• Geneteg / Geneteg Feddygol
• Ffarmacoleg Feddygol
• Iechyd y Boblogaeth a Gwyddorau Meddygol
• Gwyddorau fiofeddygol
• Bioleg/Biowyddoniaeth

Ceisiadau 'fast-track' ar gael i Israddedigion SUMS

Ystyrir ceisiadau o feysydd pwnc cysylltiedig (e.e. peirianneg feddygol, addysg) fesul achos.

Mae’r rhaglen yn defnyddio dull dysgu cyfunol sy’n cynnwys dulliau addysgu traddodiadol wyneb yn wyneb, dysgu ymarferol a hunangyfeiriedig, a sesiynau grŵp bach. Bydd y rhan fwyaf o fodiwlau yn wythnosau dysgu dwys, lle bydd myfyrwyr yn mynychu'r campws am wythnos gyfan. Bydd Arfer Adalw hefyd yn cael ei ddefnyddio fel ffordd o annog a datblygu cyfleoedd dysgu cyfoedion i ddysgu, addysgu ac asesu.

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i weddu i anghenion penodol eich cwrs. Ar wahân i nifer fach o gyrsiau ar-lein yn unig, mae'r rhan fwyaf o'n cyrsiau'n cynnwys addysgu personol, ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Cynhelir sesiynau sgiliau ymarferol, seminarau gwaith labordy, a gweithdai wyneb yn wyneb yn bennaf, gan ganiatáu ar gyfer gwaith grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein hymagwedd hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd yn ‘fyw’ gan ddefnyddio meddalwedd fel Zoom, sy’n eich galluogi i ryngweithio â’r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailymweld â deunydd, i adolygu ar gyfer asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n galluogi astudiaeth hyblyg bellach.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Efallai y bydd cyfleoedd i siaradwyr Cymraeg astudio rhai elfennau o’r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall y Cyfarwyddwr Rhaglen amlinellu i chi beth sydd ar gael yn Gymraeg.

Bydd mentor sy'n siarad Cymraeg yn cael ei neilltuo i fyfyrwyr sy'n dymuno cael eu mentora neu eu goruchwylio yn Gymraeg.

Mae’r tîm addysgu yn gymysgedd iach o staff sy’n weithgar ym maes ymchwil, ac sy’n canolbwyntio ar addysgu, gyda’r staff ymchwil yn arweinwyr yn eu maes.

Y prif staff addysgu ar gyfer y rhaglen Niwrowyddoniaeth Feddygol yw:

• Professor Phil Newton
• Dr Chris Summers
• Dr Jeff Davies
• Dr Ruth Godfrey
• Dr Emma Kenyon
• Dr Nick Jones
• Dr Rachel Townsend

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd myfyrwyr sy’n dilyn y cwrs hwn yn gymwys ar gyfer bwrsariaeth STEMM ôl-raddedig Llywodraeth Cymru, ac ar gyfer benthyciadau ôl-raddedig os ydynt yn byw yn rhywle arall yn y DU.

Cyllid ac Ysgoloriaethau

Efallai y byddwch yn gymwys i gael cyllid i helpu i gefnogi eich astudiaeth.

Os ydych yn fyfyriwr o’r DU neu’r UE sy’n dechrau gradd meistr ym Mhrifysgol Abertawe, efallai y byddwch yn gymwys i wneud cais am gyllid gan y Llywodraeth i helpu tuag at gost eich astudiaethau. I gael gwybod mwy, ewch i'n tudalen benthyciadau ôl-raddedig.

I gael gwybod am ysgoloriaethau, bwrsariaethau a chyfleoedd ariannu eraill sydd ar gael ewch i dudalen ysgoloriaethau a bwrsariaethau'r Brifysgol.

I gael gwybod am yr Ysgoloriaethau Ysgol Feddygol sydd ar gael ewch i Dudalen Ysgoloriaethau'r Ysgol Feddygol.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol:

Bydd Mentor Academaidd yn cael ei neilltuo i chi o gronfa o bersonél hyfforddedig o blith staff academaidd yr Ysgol Feddygaeth.

Mentoriaid Academaidd Personol yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar ystod o faterion a allai effeithio ar eich lles, presenoldeb a chynnydd addysgol. Gall Mentoriaid Academaidd Personol hefyd helpu gyda'ch cynllunio datblygiad personol a chyngor gyrfaoedd. Gall eich mentor hefyd eich cyfeirio at wasanaethau Lles a gwasanaethau cymorth eraill fel y bo'n briodol.

Myfyrwyr yr UE - mae gwybodaeth fisa a mewnfudo ar gael a bydd yn cael ei diweddaru'n rheolaidd ar ein tudalen gwybodaeth i fyfyrwyr yr UE.

Dyddiadau Cau Ceisiadau

Rydym yn argymell eich bod yn cyflwyno'ch cais i'n cyrsiau cyn gynted ag y gallwch cyn ein dyddiadau cau ar gyfer ceisiadau. Bydd cyrsiau'n cau yn gynt na'r dyddiadau cau a restrir ar gyfer ceisiadau os caiff yr holl leoedd sydd ar gael eu llenwi. Gallwch ddod o hyd i ragor o wybodaeth ar ein tudalen we Dyddiadau Cau Cais.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.