1. Hafan
  2. Y Brifysgol
  3. Astudio
  4. Mynd Yn Fyd-Eang
  5. Cyfleoedd Byd-eang
  6. Rhaglenni Byr a Rhaglenni Haf
  7. Ysgol Fusnes Mannheim, Yr Almaen

Ysgol Fusnes Mannheim, Yr Almaen

Yr haf hwn, gallwch chi astudio ar-lein yn un o ysgolion busnes gorau'r Almaen...

Cewch gyfle i gwrdd â phobl ar-lein o bob cwr o'r byd ac ehangu eich rhwydwaith proffesiynol drwy drafodaethau ag ymarferwyr profiadol, a darganfod sut brofiad yw astudio yn Ysgol Fusnes fwyaf blaenllaw'r Almaen. Mae'r Ysgol Fusnes ym Mhrifysgol Mannheim yn un o'r ysgolion busnes uchaf eu parch yn Ewrop. Mae Mannheim yn ymddangos yn rheolaidd ar frig y tablau o'r sefydliadau gorau ac mae'n un o'r ychydig sefydliadau yn yr Almaen i feddu ar bob un o'r tri achrediad rhyngwladol pwysig (AACSB, EQUIS ac AMBA).

Beth sy'n cael ei gynnwys?

  • Deunyddiau darlith a gwybodaeth
  • Sesiwn cyflwyniad i "Ddeall yr Almaen o safbwynt diwylliannol" ar y diwrnod cyntaf (dewisol)
  • Mynediad i ystafell ddosbarth rithwir a chyfrif ar gyfer platfform dysgu ar-lein
  • Pecyn bach nwyddau Ysgol Fusnes Mannheim
  • Digwyddiad cymdeithasol rhithwir (e.e. noson gwis neu ystafell ddianc rithwir)
  • Tystysgrif presenoldeb, trawsgrifiad o gofnodion
  • Cymorth ymlaen llaw a thrwy gydol y rhaglen gan y tîm Rhaglenni Byr

Achubwch ar y cyfle hwn i ddysgu rhagor am yr Almaen a chael blas ar ddiwylliant yr Almaen yr haf hwn!

Sut i gyflwyno cais?

Ceir rhagor o wybodaeth am sut i gyflwyno cais ar wefan Mannheim.  

Gallwch gyflwyno cais am un, dau, neu bob un o'r tri modiwl i gymryd rhan ym mhrofiad unigryw'r ysgol haf ar-lein.

Sylwch mai 25 myfyriwr yn unig sy'n cael eu derbyn i bob modiwl, felly nid yw'ch lle'n bendant nes bod Mannheim yn cadarnhau eich bod wedi'ch derbyn.

Dyddiad cau ar gyfer cyflwyno ceisiadau: Dydd Gwener 14 Mai 2021

Costau a Dyddiadau

Hyd: 3 wythnos
Dyddiadau:  Dydd Llun 5 Gorffennaf 2021 - dydd Gwener 23 Gorffennaf 2021
Cost safonol y rhaglen: mae'n dibynnu ar nifer y modiwlau rydych chi’n bwriadu eu hastudio

Bydd myfyrwyr sy'n ymgeisio ac yn derbyn cyllid gan Ewch yn Fyd-eang yn talu ffracsiwn yn unig o gost safonol y rhaglen. Caiff cost eich rhaglen ei gostwng i ystyried y cyllid. Gall myfyrwyr ddewis astudio un, dau neu bob un o'r tri modiwl, ond sylwch fod cost pob modiwl yn wahanol a bydd angen talu ffioedd yn uniongyrchol i'r Brifysgol ar ôl i chi gael eich derbyn:

Os byddwch yn astudio 1 modiwl, ar ôl derbyn bwrsariaeth Ewch yn Fyd-eang, bydd cost eich rhaglen yn gostwng fel a ganlyn:

£85 (myfyrwyr nad ydynt yn gymwys am y cynllun Ehangu Cyfranogiad)
£45 (myfyrwyr Ehangu Cyfranogiad)

Os byddwch yn astudio 2 fodiwl, ar ôl derbyn bwrsariaeth Ewch yn Fyd-eang, bydd cost eich rhaglen yn gostwng fel a ganlyn:

£155 (myfyrwyr nad ydynt yn gymwys am y cynllun Ehangu Cyfranogiad)
£80 (myfyrwyr Ehangu Cyfranogiad)

Os byddwch yn astudio pob un o'r 3 modiwl, ar ôl derbyn bwrsariaeth Ewch yn Fyd-eang, bydd cost eich rhaglen yn gostwng fel a ganlyn:

£225 (myfyrwyr nad ydynt yn gymwys am y cynllun Ehangu Cyfranogiad)
£125 (myfyrwyr Ehangu Cyfranogiad)

 

 

Rydych chi'n gymwys ar gyfer 'Ehangu Cyfranogiad'...

  • os chi yw cenhedlaeth gyntaf eich teulu i fynd i'r brifysgol
  • os ydych chi wedi datgan bod incwm blynyddol eich aelwyd yn llai na £30,000 fel rhan o'ch cais am Gyllid Myfyrwyr
  • os ydych chi'n gadael gofal, yn rhoddwr gofal, yn fyfyriwr wedi'i ymddieithrio o'i deulu, yn ffoadur neu'n geisiwr lloches