Llety ar gyfer Mynediad ym mis Ionawr

Rydych chi wedi bod yn astudio ar-lein ers mis Medi ac yn bwriadu cyrraedd Abertawe ym mis Ionawr i barhau â'ch astudiaethau yn bersonol.

Ar hyn o bryd mae gan y Brifysgol ystafelloedd ar gael mewn neuaddau preswyl ar Gampws y Bae. 

Bydd angen llety ar fyfyrwyr israddedig rhwng mis Ionawr a mis Mehefin.

Bydd angen llety o fis Ionawr i fis Rhagfyr ar fyfyrwyr ôl-raddedig.

Sut i gyflwyno cais ar gyfer preswylfeydd y Brifysgol:

• Cliciwch ar y ddolen – Cais am lety a chreu cyfrif llety.
• Pan fyddwch yn derbyn cynnig llety, byddwch yn derbyn cyfarwyddiadau am sut i dderbyn a thalu'r Blaendal Cadw Lle
• Os nad ydych chi'n gwybod pryd byddwch yn cyrraedd Abertawe ac nid ydych chi am ymrwymo i dalu rhent o ddyddiad dechrau'r contract, e-bostiwch accommodation@abertawe.ac.uk a byddwn yn rhyddhau eich lle a gallwch ailymgeisio pan fyddwch chi wedi cadarnhau eich dyddiad cyrraedd.

Os yw'n well gennych beidio â byw ym mhreswylfeydd y Brifysgol, mae llety preifat ar gael yn y ddinas. Gallwch ddefnyddio StudentPad i'ch helpu i ddod o hyd i le addas i'w rentu.

Darllenwch hwn yn ofalus fel bod gennych yr holl wybodaeth am yr hyn rydych chi'n ymrwymo iddo gyda chontract llety:

1. Mae contractau'n eich rhwymo am hyd llawn y Cytundeb Tenantiaeth. Sylwer bod ffioedd yn daladwy fel yr amlinellir yn y contract.

2. Mae amgylchiadau cyfyngedig iawn lle gallwch gyflwyno cais i'r Brifysgol i ofyn i dynnu'n ôl o'ch Cytundeb Tenantiaeth. Er enghraifft, drwy ohirio eich astudiaethau, tynnu'n ôl o'ch astudiaethau neu beidio â dechrau cwrs. Darllenwch ac ystyriwch yr holl delerau a rheoliadau'n ofalus cyn derbyn Cytundeb Tenantiaeth.

3. Sylwer bod telerau eich tenantiaeth yn wahanol i'ch astudiaethau/cyrsiau a'u bod yn drefniad ar wahân.

4. Os ydych chi'n derbyn cynnig ystafell yn llety'r Brifysgol, sylwer na chaiff toriadau o reoliadau'r Llywodraeth a/neu'r Brifysgol eu goddef.
Gwiriwch eich cyfrif e-bost Prifysgol a gwefan MyUniHub yn aml am yr wybodaeth ddiweddaraf.