Sgiliau am Oes

Mae sesiynau Sgiliau Bywyd yn amrywio o Gymorth Cyntaf a Choginio i Ffotograffiaeth Ffilm a Mordwyo. Fe wnaethom redeg 35 o sesiynau y llynedd yn dysgu 23 o sgiliau unigryw ar y ddau gampws ac yn y gymuned leol. Rydym yn diweddaru’r wefan hon bob mis gan ddangos y calendr misol a gellir prynu’r holl docynnau yn – https://events.swansea.su/group/27/campus-life 

Mae meddu ar amrywiaeth o sgiliau bywyd yn eich galluogi i ddelio ag anawsterau a thrallodion anochel bywyd yn fwy effeithiol. Pan fydd gennych yr arfau a’r strategaethau cywir i’w defnyddio, bydd gennych fwy o reolaeth dros eich bywyd ac felly byddwch yn hapusach, yn gryfach a mwy cynhyrchiol.

Mae cyflogwyr hefyd yn edrych am fyfyrwyr sy’n unigolion crwn a gall Sgiliau Bywyd fod yn gymorth yn hyn o beth. Efallai na fydd cyflogwyr yn gofyn mewn cyfweliad a ellwch chi ferwi wy, ond efallai y byddant yn gofyn a ydych chi‘n gyfforddus yn siarad yn gyhoeddus neu yn gofyn i chi arddangos sgiliau creadigol. Bydd y sesiwn Sgiliau Bywyd – Adeiladu Hyder neu sesiwn Golygu Lluniau Digidol yn rhoi ychydig o dystiolaeth i chi siarad amdani.

Rydym yn ddiolchgar iawn i fyfyrwyr, staff a chyrff allanol am redeg y sesiynau hyn. Ceir rhestr lawn o’r rhai a redodd sesiynau y llynedd yn y graffig gwybodaeth isod.

Gellir prynu ein tocynnau i gyd yn – https://events.swansea.su/group/27/campus-life 

Mae pob un o’n sesiynau yn costio £1 o leiaf gyda’r rhan fwyaf o’r sesiynau yn derbyn cymhorthdal sylweddol gan CampusLife. Os byddwch yn ymuno ond yn methu â dod, rhowch wybod i ni, os gwelwch yn dda, gan y byddwch efallai yn rhwystro rhywun arall rhag mynychu.