Fferylliaeth gyda Blwyddyn Baratoi (Sylfaen), MPharm (Anrh)

Er mwyn bod yn gymwys i gyflwyno cais am Fferylliaeth, rhaid eich bod yn disgwyl cyflawni'r canlynol:

Safon Uwch/Bagloriaeth Cymru: BBC-CCD y mae'n rhaid iddo gynnwys Cemeg ac o leiaf un pwnc STEM arall, h.y. Bioleg, Ffiseg, Mathemateg a Seicoleg. Caiff Her Sgiliau Uwch Bagloriaeth Cymru ei hystyried yn lle trydydd pwnc Safon Uwch.

Y Fagloriaeth Ryngwladol: 24-31 o bwyntiau, y mae'n rhaid iddynt gynnwys Cemeg Lefel Uwch yn ogystal ag un pwnc STEM arall ar Radd 4 neu'n uwch.

Ar gyfer ymgeiswyr nad Saesneg yw eu hiaith gyntaf, gofynnir am sgôr gyffredinol IELTS o 6.5 (neu gyfwerth) ac o leiaf 6.0 ar gyfer pob elfen. Cewch ragor o wybodaeth ar ein tudalennu Myfyrwyr Rhyngwladol. 

BTEC: Teilyngdod i Ragoriaeth fel arfer, ynghyd â phroffil Cemeg da yn ddelfrydol.

Yn ogystal ag un o'r mathau o gymhwyster uchod, mae gofyn i bob ymgeisydd gael:

TGAU: Saesneg a Mathemateg o leiaf Radd C (Cymru a Lloegr cyn-2017) neu Radd 4 (Lloegr ar ôl 2017).

Rydym yn derbyn cymwysterau cyfwerth a gydnabyddir gan Brifysgol Abertawe.

Caiff cymwysterau eraill y DU a rhai rhyngwladol eu hystyried fesul achos - cysylltwch â ni er mwyn eu trafod.

Hefyd, rydym yn croesawu ceisiadau gan fyfyrwyr rhyngwladol sydd wedi astudio ystod o gymwysterau - cysylltwch â ni am ragor o wybodaeth, er mwyn dysgu rhagor am eich cymwysterau ewch i'n Tudalennau i Fyfyrwyr Rhyngwladol.

Rhestrir gofynion mynediad Addasrwydd i Ymarfer o dan y Gofyniad Derbyn Ychwanegol.

Egwyddor ein graddau MPharm (Anrh.) mewn Fferylliaeth gyda Blwyddyn Sylfaen yw eich paratoi ar gyfer gyrfaoedd yn y dyfodol fel fferyllwyr cofrestredig. Mae ein hymagwedd yn cydnabod bod Fferyllwyr yn aelodau allweddol o dîm gofal iechyd amlddisgyblaethol ac mae ein gweithgareddau addysg rhyngbroffesiynol yn adlewyrchu hyn.

Mae'r dulliau dysgu ac addysgu a ddefnyddir yn mynd i'r afael â'r gwybodaeth a'r cymwyseddau gofynnol ar gyfer cyfrifoldebau amrywiol fferyllwyr. Byddwch yn dysgu drwy amrywiaeth o ddulliau addysgu gan gynnwys dysgu ar sail achosion, gweithdai, dosbarthiadau mewn labordai, dysgu drwy brofiad, darlithoedd a phrosiect ymchwil annibynnol.

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. 

Cynhelir sesiynau sgiliau ymarferol, gweithdai, astudiaethau achos integredig a sesiynau efelychu profiad ymarferol wedi'u hefelychu wyneb yn wyneb yn bennaf, sy'n galluogi gwaith grŵp ac arddangosiadau. Fodd bynnag, mae ein hymagwedd hefyd yn cynnwys defnyddio rhywfaint o ddysgu cymorth ar-lein i ategu ac atgyfnerthu addysgu wyneb yn wyneb traddodiadol, ac mae hyn yn cynyddu yn y drydedd flwyddyn a'r flwyddyn olaf wrth i chi dreulio mwy o amser oddi ar y campws ac ar leoliad gwaith.

 Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. 

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un i wella eich sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Gweithiwn tuag at achrediad gyda'r Cyngor Fferyllol Cyffredinol (GPhC). Mae'r cwrs wedi'i achredu dros dro nes bod y rhaglen wedi'i hachredu'n llawn.

Gallwch weld ein hadroddiad achrediad Cam 5 YMA.

Caiff myfyrwyr fferylliaeth eu haddysgu gan ystod o ymchwilwyr a staff academaidd yn yr Ysgol Feddygaeth sy'n arwain y byd, yn ogystal â fferyllwyr sy'n ymarfer o amrywiaeth o sectorau gwahanol.

Bydd myfyrwyr fferylliaeth yn cael eu dysgu gan ystod o ymchwilwyr a staff academaidd fwyaf blaenllaw'r byd yn yr Ysgol Feddygaeth yn ogystal â fferyllwyr sy'n ymarfer o amrywiaeth o wahanol sectorau.

Mae'r prif staff addysgu ar y rhaglen Fferylliaeth fel a ganlyn:

• Pennaeth Fferylliaeth: Yr Athro Andrew Morris
• Cyfarwyddwr y Rhaglen ac Uwch-ddarlithydd: Dr Amira Guirguis

Grŵp Addysgu Cyffuriau a Meddygaeth:

• Pennaeth Fferylliaeth: Yr Athro Andrew Morris
• Uwch-ddarlithydd: Dr Salvatore Ferla
• Darlithydd: Dr Zi Hong Mok
• Darlithydd: Dr Michael McKeever
• Darlithydd: Dr Gilda Padalino
• Athro er Anrhydedd: Yr Athro Neil Hartman

Grŵp Addysgu Iechyd, Clefydau a Chleifion:

• Athro Cyswllt: Dr Suresh Mohankumar
• Uwch-ddarlithydd: Dr Rhian Thomas
• Uwch-ddarlithydd: Dr Melanie Healey
• Darlithydd: Dr Giulio Nannetti

Grŵp Addysgu Ymarfer Fferylliaeth:

• Cyfarwyddwr y Rhaglen ac Uwch-ddarlithydd: Dr Amira Guirguis
• Uwch-ddarlithydd: Dr Adam Turner
• Athro Cyswllt: Mr Simon Wilkins
• Athro Cyswllt: Mrs Kate Spittle
• Uwch-ddarlithydd: Dr Juman Dujaili
• Uwch-ddarlithydd: Mr Carywyn Jones
• Uwch-ddarlithydd: Dr Georgina Marsh
• Darlithydd: Dr Gillian Phua
• Athro Ymarferydd: Sophie Croucher
• Athro Ymarferydd: Gwenno Williams
• Athro er Anrhydedd: Yr Athro Mair Davies

Gellir codi ffioedd myfyrwyr Israddedig y DU/UE llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Gwiriad y Gwasanaeth Datgelu a Gwahardd a chost brechiadau a/neu ddilysu cofnodion iechyd gan eich Meddyg Teulu  
• Trafnidiaeth a/neu lety sy’n gysylltiedig â lleoliadau gwaith  
• Testunau a chyfarpar archwilio clinigol sylfaenol   
• Cyfarpar diogelu personol (PPE) h.y. cotiau labordy, gogls/sbectol diogelwch, sgrybs meddygol  

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Tiwtor Personol:

Cewch chi Diwtor Personol o'r tîm academaidd Fferylliaeth craidd yn yr Ysgol Feddygaeth.

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Hefyd, gall Tiwtor Personol eich helpu gyda'ch cynllunio datblygu personol a chyngor  ar yrfaoedd. Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Swyddogion Bywyd Myfyrwyr:

Mae ein Swyddogion Bywyd Myfyrwyr yn canolbwyntio ar gymorth i fyfyrwyr a nodi'r myfyrwyr hynny y gallai fod angen eu cyfeirio at wasanaethau yn y Brifysgol a'r tu hwnt iddi, yn ogystal â gweithio gyda'r myfyrwyr hyn i roi cynllun ar waith er mwyn rheoli eu lles.  Mae'r swyddogion hyn wedi'u hyfforddi i fynd i'r afael â phob math o faterion bugeiliol, gan gynnwys cydnabod arwyddion cam-drin domestig neu droseddau casineb. 

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Rydym bellach yn recriwtio ar gyfer dechrau yn 2024. Er mwyn dysgu rhagor am Fferylliaeth gyda Blwyddyn Sylfaen yn Abertawe, cadwch le ar un o'n Diwrnodau Agored Israddedig.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Newidiadau i Addysg a Hyfforddiant Cychwynnol Fferyllwyr

Mae'r proffesiwn fferylliaeth yn mynd drwy gyfnod cyffrous o newid. Bydd safonau newydd ar gyfer addysg a hyfforddiant cychwynnol fferyllwyr wedi'u cyhoeddi gan y Cyngor Fferyllol Cyffredinol, sef y corff rheoleiddio ar gyfer fferylliaeth, yn sicrhau bod fferyllwyr yn barod i ragnodi'n annibynnol yn syth ar ôl cofrestru. Bydd angen i addysg fferylliaeth i israddedigion a'r flwyddyn hyfforddiant Ssylfaen addasu er mwyn fbodloni'r safonau newydd hyn, ac heb os bydd newidiadau i strwythur y radd MPharm er mwyn cynnwys mwy o hyfforddiant clinigol.

Addasrwydd i ymarfer:

Proffesiwn gofal iechyd cofrestredig yw fferylliaeth, ac mae ganddi ei hawliau a'i chyfrifoldebau. Felly, mae gweithdrefnau Addasrwydd i Ymarfer ar waith er mwyn sicrhau bod gan fferyllwyr (a myfyrwyr Fferylliaeth) y sgiliau, yr wybodaeth, y cymeriad a'r iechyd angenrheidiol er mwyn gwneud eu swydd yn ddiogel ac yn effeithiol.

Mae'r Cyngor Fferyllol Cyffredinol wedi cyhoeddi Safonau ar gyfer Gweithwyr Fferyllol Proffesiynol, y mae'n rhaid i fyfyrwyr Fferylliaeth lynu wrthynt os byddant yn dymuno cofrestru fel Fferyllydd yn y pen draw.

Bydd angen ichi gwblhau ffurflen hunan-ddatganiad Addasrwydd i Ymarfer fel rhan o'r broses ymgeisio. Mae'r ffurflen hon yn cynnwys datganiad ysgrifenedig o faterion iechyd neu ymddygiad, e.e. cyflyrau meddygol, euogfarnau troseddol a allai fod gennych. Os oes gennych  bryderon o gwbl o ran gweithdrefnau Addasrwydd i Ymarfer, rydym yn eich annog i gysylltu â ni er mwyn inni roi cyngor.

Os byddwch yn cael cynnig lle i astudio, bydd arnoch angen hefyd:

Wiriad gan y Gwasanaeth Datgelu a Gwahardd (neu gyfwerth, os byddwch yn fyfyriwr rhyngwladol, e.e. tystysgrif ymddygiad da gan heddlu eich gwlad/y Swyddfa Gartref).

Gwiriad Iechyd Galwedigaethol, a allai gynnwys yr angen i gadarnhau imiwnedd a/neu dderbyn brechiadau.

Os byddwch yn amau bod gennych alergeddau, e.e. latecs, cnau daear, cyffuriau/meddyginiaeth, trafodwch hyn â'r Adran Iechyd Galwedigaethol cyn ymgeisio.

Profiad ym maes Fferylliaeth

Bydd profiad gwaith ym maes fferylliaeth yn ddefnyddiol, ond nid yn hanfodol. Fodd bynnag, bydd yn eich helpu i ennill dealltwriaeth o'r proffesiwn yr ydych yn bwriadu ymuno ag ef.

Ystyrir yr holl geisiadau am y radd Fferylliaeth gyda Blwyddyn Baratoi (Sylfaen) yn Ysgol Feddygaeth Prifysgol Abertawe yn ôl eu teilyngdod a gwahoddir ymgeiswyr cymwys addas i gymryd rhan mewn cyfweliad ar-lein.  Bydd aelod o'n staff academaidd yn cynnal y broses gyfweld (cyfweliad unigol). Gofynnir cwestiynau gwahanol i ymgeiswyr i drafod meysydd cymhwysedd sy'n nodweddiadol o fferyllydd da. Mae hyn yn cynnwys datrys problemau, moeseg, gwybodaeth am y proffesiwn, rhifedd a sgiliau cyfathrebu.

Profiad ym maes Fferylliaeth

Byddai peth profiad o waith fferyllol yn ddefnyddiol, ond nid yn hanfodol. Bydd y profiad hwn yn eich helpu gyda'r cyfweliad derbyn ac yn eich helpu i benderfynu a yw Fferylliaeth yn yrfa yr ydych am ei dilyn. 

Mae Prifysgol Abertawe'n sefydliad cyfle cyfartal ac mae'n annog ceisiadau gan bobl o bob gallu. Ar gyfer Fferylliaeth, caiff pob cais ei asesu yn unigol, ar sail gallu'r ymgeisydd i gyflawni'r deilliannau dysgu, y sgiliau a'r cymwyseddau sy'n ofynnol i gwblhau'r Rhaglen MPharm ac i fodloni'r Cyngor Fferyllol Cyffredinol.

Mae'n hanfodol bod pob ymgeisydd yn gallu cwblhau'r cwricwlwm Fferylliaeth llawn, ac wrth ystyried ymgeiswyr ag anableddau, cyflyrau meddygol neu anghenion penodol eraill, mae'r Ysgol yn dilyn safonau'r Cyngor Fferyllol Cyffredinol a nodir yn ei ddogfen ‘Future pharmacists; Standards for the initial education and training of pharmacists’ (mae hon ar gael ar wefan y Cyngor Fferyllol Cyffredinol). Mae'r Brifysgol yn monitro'r broses ddethol yn ofalus er mwyn sicrhau nad oes ymgeiswyr sydd dan anfantais.

Y Cyngor Fferyllol Cyffredinol sy'n rheoleiddio fferyllwyr, technegwyr fferyllol a mangreoedd fferyllol.

Mae angen i ddeiliaid graddau MPharm gymryd camau pellach cyn iddynt gael cofrestru fel fferyllydd gyda'r Cyngor Fferyllol Cyffredinol. Mae'r camau hyn yn cynnwys blwyddyn o hyfforddiant sylfaenol a chwblhau'r asesiad cofrestru'n llwyddiannus. Mae rhagor o fanylion am gofrestru fel fferyllydd ar gael yn adran Cofrestru gwefan y Cyngor Fferyllol Cyffredinol.

Hefyd, bydd y Cyngor Fferyllol Cyffredinol yn cynnal ei wiriadau ei hun o ran iechyd, cymeriad da a hunaniaeth cyn cofrestru graddedig fel fferyllydd. Mae'r gwiriadau hyn yn berthnasol i gofrestru, ac maent yn ychwanegol at wiriadau'r prifysgolion a'r cyflogwyr. Efallai na fydd y Cyngor Fferyllol Cyffredinol yn cofrestru graddedig os bydd yn methu gwiriad, hyd yn oed os yw wedi llwyddo mewn gwiriadau blaenorol.

Ni all y Cyngor Fferyllol Cyffredinol gynnig cyngor i ddarpar ymgeiswyr. Gall graddedig apelio os caiff ei gais cofrestru ei wrthod, a bydd yn rhaid cyflwyno'r apêl hwnnw i Bwyllgor Apeliadau'r Cyngor Fferyllol Cyffredinol.