Cyfrifiadureg, MSci (Anrh)

Mae myfyrwyr sydd yn dechrau ym mis Medi neu Ionawr yn astudio’r run modiwlau craidd fel rhan o’r rhaglen. Mae dyddiadau Ionawr i’w cadarnhau.

Byddwch yn astudio'r gyfres ganlynol o fodiwlau gorfodol ar ddechrau'r cwrs, cyn arbenigo yn unol â'ch diddordebau eich hun yn nes ymlaen, gan arwain at draethawd hir a phrosiect gwyddonol mawr.

Myfyrwyr Safon Uwch: AAB – ABB. Os nad ydynt yn astudio Mathemateg neu Ffiseg Safon Uwch, rhaid iddynt gael TGAU Gradd B (6) Mathemateg.

BTEC: D*DD mewn TG neu Gyfrifiadureg Gradd B (6) TGAU Mathemateg sydd ei angen.

IB: 34 yn gyffredinol gyda 6 mewn Mathemateg Lefel Uwch.

Mae addysgu bloc un (AB1) yn rhedeg o fis Medi tan fis Ionawr ac yn ystod y bloc hwn, eleni, bydd y cwrs hwn yn cael ei ddysgu mewn ffordd ‘wedi'i gymysgu'. Mae hyn yn golygu y bydd rhywfaint o addysgu yn digwydd ar-lein a bydd rhai ar y campws. Gall yr addysgu ar-lein, lle byddwch yn gorfforol ar wahân i'ch darlithydd, fod yn 'fyw' gyda'ch darlithydd yn bresennol a fydd hyn yn gyfle i ryngweithio. Yna fydd rhywfaint ohono yn hunangyfeiriedig, sy'n golygu y gallwch gael gafael ar y deunyddiau dysgu ar amser sy'n addas i chi.  

Bydd yr union gyfuniad o weithgareddau’n amrywio yn ôl disgyblaeth ac o flwyddyn i flwyddyn; ni fydd pob gweithgaredd yn cael ei ddefnyddio ym mhob achos. 

	YN FYW	HUNAN-GYFEIRIEDIG
AR-LEIN	Darlithoedd Labordai cyfrifiaduron ar-lein Rhywfaint o fentora academaidd Oriau swyddfa	Fideos Deunydd Darlithoedd Astudio Annibynnol Profion Ffurfiannol Darllen dan: Gyfarwyddyd Asesiadau
AR Y CAMPWS	Y rhan fwyaf o sesiynau yn y labordai cyfrifiaduron Seminarau grŵp bach Mentora academaidd mewn grwpiau Goruchwylio prosiectau	Gwaith grŵp (blwyddyn 2) Prosiectau (blynyddoedd 3 a 4

e>

Rhywfaint o ddarpariaeth

Darperir rhai elfennau o'r cwrs hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Fynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli di lawrlwytho'r ap am ddim drwy'r App Store a Google Play.
• Yr opsiwn am gyfweliad trwy gyfrwng y Gymraeg wrth wneud cais am le.
• Yr opsiwn i dderbyn dy ohebiaeth bersonol yn Gymraeg, yn Saesneg neu'n ddwyieithog.
• Yr opsiwn i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei farcio yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg yn yr ysgol neu'r coleg
• ffordd o sicrhau dy gyfle i gael yr addysg orau
• ffordd o dderbyn lefel uchel o gefnogaeth wrth i'r grwpiau astudio fod yn llai
• ychwanegiad gwerthfawr i dy CV a dy ddatblygiad gyrfaol

Mae cyfleoedd ar gael i fyfyrwyr sy'n rhugl ac yn hyderus yn yr iaith yn ogystal ag i'r rhai sy'n llai hyderus neu sy'n ddysgwyr. Mae'n bosibl hefyd dewis dosbarthiadau seminar a thiwtorial cyfrwng Cymraeg ar gyfer modiwlau sy'n cael eu dysgu yn bennaf drwy gyfrwng y Saesneg.

Mae'r rhaglen hon wedi'i hachredu gan Gymdeithas Gyfrifiadurol Prydain ac mae'n galluogi graddedigion i ymuno ar unwaith fel aelodau proffesiynol.

Byddwch yn ymuno â'n cymuned Gyfrifiadureg ac yn cael eich addysgu gan ddarlithwyr o'r radd flaenaf sy'n frwdfrydig dros eu hymchwil ac sy'n gweithio tuag at Nodau Datblygu Cynaliadwy'r Cenhedloedd Unedig  i newid y byd er gwell. Ymhlith ein meysydd ymchwil mae arian crypto, diogelwch data, seiberdrosedd a thechnolegau rhyngweithio'r dyfodol.

Yr Athro Xianghua Xie 

Dr Monika Seisenberger

Dr Liam O'Reilly

Dr Phillip James

Ewch i weld holl staff Cyfrifiadureg

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Mae ein graddedigion Cyfrifiadureg yn cael eu rhoi ar ben y ffordd i gael amrywiaeth o gyfleoedd ysgogol. Mae ein graddedigion wedi cyflawni rolau mewn cwmnïau fel IMB, Google, Disney a Sony.

Efallai y gwelwch fod eich dyfodol mewn rôl fel dylunydd, peiriannydd neu brofwr meddalwedd. Mae'n bosibl y byddwch yn gweithio fel gwyddonydd data neu ym maes technoleg ffonau clyfar. Gan fod technoleg yn datblygu mor gyflym, efallai y byddwch yn arbenigo mewn maes nad yw'n cael ei gydnabod yn llawn eto, hyd yn oed.

 

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein darlithwyr yn dilyn polisi ‘drws agored’ felly gallwch sgwrsio â nhw am unrhyw bryderon sydd gennych. Nid oes rhaid i'r rhain ymwneud â'r cwrs yn unig; mae ein staff academaidd ar gael i'ch helpu gydag unrhyw beth yn ystod eich amser ym Mhrifysgol Abertawe.

Mae gan bob cwrs gynrychiolydd myfyrwyr. Mae'r cynrychiolwyr yno i sicrhau bod llais pob myfyriwr yn cael ei glywed. Eu rôl yw gwrando ar eich barn ac adrodd yn ôl, mynychu cyfarfodydd rheolaidd a gwneud yn siŵr bod y bobl sy'n gallu gwneud newidiadau yn gwrando ar y bobl sydd wir yn bwysig – chi!

Rydym yn cynnig mentora academaidd a mentora gan gyfoedion.  Caiff Mentor Academaidd ei neilltuo i bob myfyriwr ar ein cyrsiau gradd, ac nid yn unig y bydd y Mentor yn cynnig arweiniad academaidd i chi, ond bydd hefyd yn rhoi cyngor ar gael gafael ar gymorth gyda phroblemau personol. Mae ein cynllun mentora cyfoedion ar waith er mwyn helpu myfyrwyr newydd i ymgartrefu yma ym Mhrifysgol Abertawe. Byddwch yn cael cyfle i siarad â'ch mentor a fydd yn gallu dweud wrthych am ei brofiadau fel myfyriwr, a gallwch hefyd sgwrsio am fywyd fel myfyriwr. Mae'r cynllun mentora gan gymheiriaid yn ffordd wych o gwrdd â myfyrwyr ac ehangu eich cylch o ffrindiau tra byddwch yn Abertawe.

Gallwch hefyd gael cymorth gyda phroblemau personol gan ein hystod eang o wasanaethau cymorth i fyfyrwyr, fel CampusLife, Gwasanaethau Cymorth Cynhwysol i Fyfyrwyr a'r Ganolfan Llwyddiant Academaidd.

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob coleg. Fel arfer, mae rhaglenni'n para o 2 i 6 wythnos, ar draws cyrchfannau megis Tsieina, Sambia, De Corea, Siapan, Canada a ledled Ewrop. Am ragor o wybodaeth ynghylch rhaglenni a chymhwysedd, ewch i'n tudalennau gwe Haf Dramor.

Mae'r cwrs hwn hefyd ar gael gyda blwyddyn dramor. Mae myfyrwyr Cyfrifiadureg wedi cwblhau blwyddyn dramor mewn cyrchfannau cyffrous ym mhob cwr o'r byd, diolch i'r cymorth a'r cyllid rydym yn eu cynnig. Ewch i dudalen cwrs MSci Cyfrifiadureg gyda blwyddyn dramor. 

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Fel rhan o'r cynllun gradd hwn, byddwch yn gallu astudio yn un o'n hystod anferth o brifysgolion partner yn ystod eich trydedd flwyddyn. Mae astudio dramor yn gyfle gwych i brofi diwylliant arall, gwneud ffrindiau o bob cwr o'r byd a magu profiad gwerthfawr er mwyn eich paratoi ar gyfer byd gwaith ar ôl i chi gwblhau eich astudiaethau.

Mae lleoledd ac argaeledd yn newid yn flynyddol felly ni ellir trefnu cyrchfannau penodol ond, yn y gorffennol, mae myfyrwyr Cyfrifiadureg wedi cwblhau eu blwyddyn dramor yn Awstralia, Canada, Singapôr, yr Almaen, Sbaen ac UDA.

Nid yn unig y byddwn yn eich paru â phrifysgol bartner ac yn cynnig cymorth i chi ar bob cam o'r broses, rydym hefyd yn cynnig amrywiaeth o fwrsarïau a grantiau pwrpasol er mwyn eich helpu i ariannu eich profiad rhyngwladol. Gallwch gael rhagor o wybodaeth ar ein tudalennau Ewch yn Fyd-eang.

Mae ein graddau Blwyddyn mewn Diwydiant yn cynnwys lleoliad gwaith diwydiannol yn ystod trydedd flwyddyn eich astudiaeth. Byddwch yn ymgeisio am leoliad gwaith gyda chwmni o’ch dewis, gyda chefnogaeth ein tîm Cyflogadwyedd, a fydd gyda chi pob cam o’r ffordd. Byddwch yn cael profiad Diwydiannol amhrisiadwy wrth weithio gyda gweithwyr proffesiynol busnes mewn ardal o’ch dewis. Os ydych yn anelu at yrfa lwyddiannus o fewn y sector TG, bydd blwyddyn mewn diwydiant yn eich cynorthwyo i fagu profiad ar eich taith i’r proffesiwn yr ydych yn ei ddewis.