Dod yn Nyrs
Diwrnodau Agored Israddedig
Cofrestrwch NawrPan fyddwch yn astudio Gradd Nyrsio gyda ni byddwch yn rhan o 30 o Brifysgolion Gorau (Guardian 2023) gyda chymuned sy'n gwneud gwahaniaeth i fywydau pobl yn feunyddiol. Mae gennym dros 25 mlynedd o brofiad o hyfforddi pobl ar draws ehangder ymarfer clinigol, ac rydym yn falch o gael ein rhestru fel un o’r 10 rhaglen Nyrsio Gorau (Complete University Guide 2023). Mae ein dull gofalgar sy’n canolbwyntio ar y myfyriwr wedi rhoi profiad a chanlyniadau myfyrwyr gan arwain at 100% o Gyflogadwyedd Graddedigion (HESA 2022) ac yn 1af ar gyfer rhagolygon Graddedigion (Complete University Guide 2023).
Ein hopsiynau Cwrs Nyrsio
Nyrsio Oedolion
Nyrsio Plant
.jfif)
Nyrsio Anableddau Dysgu
Nyrsio Iechyd Meddwl
.jfif)
Mae ein cyrsiau Nyrsio Oedolion yn dod â staff academaidd o nyrsys, meddygon a gweithwyr iechyd proffesiynol cymwys ynghyd. Wrth i chi hyfforddi i ddod yn nyrs oedolion arbenigol, byddwch yn elwa o'n cysylltiadau cryf â byrddau iechyd lleol, a'n hystafelloedd hyfforddiant clinigol realistig rhagorol sy'n cynnwys realiti rhithwir integredig.
Ein Hopsiynau Cwrs Nyrsio Oedolion:
Wrth astudio Nyrsio Plant yn Abertawe, byddwch yn cael eich hyfforddi gan amrywiaeth o glinigwyr arbenigol a fydd yn amrywio o feddygon, nyrsys a gweithwyr gofal iechyd proffesiynol eraill. Fel myfyriwr, byddwch yn elwa o'n hystafelloedd realiti rhithwir a sgiliau clinigol gan roi'r hyfforddiant a'r sgiliau i ymateb i sefyllfaoedd bywyd go iawn ar leoliad neu wrth gymhwyso.
Ein Hopsiynau Cwrs Nyrsio Plant:
Mae Nyrsio Anableddau Dysgu'n defnyddio ystod o strategaethau dysgu ac addysgu sy'n eich galluogi chi i ddechrau ar yrfa lwyddiannus a gwobrwyol fel Nyrs Anableddau Dysgu arbenigol. Byddwn yn rhannu ein hystafelloedd sgiliau clinigol o'r radd flaenaf a fydd yn cynnwys y cyfleuster hyfforddiant realiti rhithwir mwyaf yn Ewrop. Byddwch yn elwa o wybodaeth a sgiliau gan amrywiaeth eang o glinigwyr gan gynnwys nyrsys, meddygon a gweithwyr gofal iechyd proffesiynol.
Ein Hopsiynau Nyrsio Anableddau Dysgu:
Bydd ein gradd Nyrsio Iechyd Meddwl yn eich arfogi â'r sgiliau a'r profiadau sy'n eich galluogi chi i drin a rhyngweithio'n llwyddiannus â chleifion ar leoliadau neu wrth gymhwyso. Byddwch yn ennill y sgiliau hyn drwy staff addysgu cymwys a phrofiadol ac yn ein labordai sgiliau clinigol o'r radd flaenaf a'n cyfleusterau hyfforddiant realiti rhithwir.
Ein Hopsiynau Nyrsio Iechyd Meddwl:
Profiad Myfyrwyr Nyrsio
Rydym yn angerddol am bob maes nyrsio ac yn croesawu’n llawn y gwerthoedd craidd sy’n gysylltiedig â’r ‘proffesiwn gofalu’ ac yn ymdrechu i sefydlu’r gwerthoedd hyn yn ein myfyrwyr a’n perthnasoedd â nhw. Rydym yn cynnig cymhareb staff-myfyriwr gwych, a golyga hyn y byddwch yn cael eich cefnogi'n dda gan gyfoeth o fodelau rôl gwybodus trwy gydol eich amser yn astudio gyda ni.
Peidiwch â chymryd ein gair ni’n unig, darganfyddwch beth yw barn ein myfyrwyr Nyrsio am astudio nyrsio gyda ni, ac archwiliwch yr holl opsiynau a chyfleoedd gwahanol a fydd ar gael i chi pan fyddwch yn astudio gyda ni.
Ein Straeon myfyrwyr
Mikey Denman
"Fel siaradwr Cymraeg mae Prifysgol Abertawe a’r Coleg Cymraeg wedi cynnig cyfleoedd anhygoel i mi, fel bod yn rhan o’r rhaglen ddogfen S4C ‘Nyrsys’ trwy ddilyn fy nhaith fel myfyriwr ym mlwyddyn gyntaf y cwrs nyrsio. Roedd yn brofiad bythgofiadwy. Rwyf hefyd wedi derbyn cyfleoedd i gynrychioli‘r Coleg Cymraeg a Phrifysgol Abertawe trwy rannu fy mhrofiadau fel myfyriwr nyrsio gyda darpar fyfyrwyr mewn ysgolion wrth iddynt ystyried ar eu cam nesaf ar ôl lefel A."
Darganfod mwy am stori myfyriwr Mikey Denman
Nyrsio Oedolion
Mae Nicholas Costello yn siarad â ni am ei brofiad o astudio Nyrsio i Oedolion yn Abertawe a sut "nad oes unrhyw beth gwell na'r teimlad a gewch chi wrth helpu rhywun mewn angen."
Nyrsio Plant
Mae Daniel Roberts ac Emily Nue yn astudio Nyrsio Plant yn Abertawe. Yma, maent yn trafod y sgiliau amrywiol y mae eu hangen arnoch er mwyn siarad â baban neu blentyn un funud, ac oedolion y funud nesaf.
Nyrsio Anableddau Dysgu
Mae Liz Hayday, Uwch Ddarlithydd Nyrsio Anabledd Dysgu, yn siarad am y sgiliau y byddwch yn eu hennill wrth astudio a sut y bydd Abertawe yn eich helpu i ddod yn nyrs anabledd dysgu eithriadol.
Nyrsio Iechyd Meddwl
Mae defnyddio ei phrofiad bywyd hi wedi helpu Rachel Huggins i ddysgu i gefnogi eraill a bod y nyrs orau y gall fod. Mae Rachel yn ei thrydedd flwyddyn fel Nyrs Iechyd Meddwl.
Graddau a Gyllidir yn Llawn
Gallai dewis i ddilyn eich brwdfrydedd am ofal iechyd dalu ar ei ganfed. Mae hamrywiaeth hwn o raddau wedi'u hariannu'n llawn drwy Gynllun Bwrsariaeth GIG Cymru.
Golyga hyn os byddwch chi'n ymrwymo i weithio i GIG Cymru am gyfnod ar ôl i chi raddio, bydd eich ffioedd addysgu yn cael eu talu'n llawn gan Fwrsariaeth GIG Cymru, yn ogystal â chyllid cynhaliaeth gwerth hyd at £4,491 a benthyciad ar gyfradd ostyngedig gan Gyllid Myfyrwyr.
Rhagor o wybodaeth am Gynllun Bwrsariaeth GIG Cymru
Cyfleusterau O'r Radd Flaenaf
Rydym yn sicrhau bod gan ein myfyrwyr y cyfleusterau gorau posib ar gyfer hyfforddi fel y gallant datblygu eu sgiliau clinigol a bod yn barod am ymarfer clinigol. Mae'r sgiliau hyn yn hanfodol i'n rhaglenni ac rydym ni'n ail-greu amgylcheddau sydd mor debyg â phosib i'r amgylchedd clinigol y byddwch chi'n gweithio ynddo.
Ewch ar daith rithwir99% Cyflogadwyedd
Pan fyddwch yn graddio, byddwch yn gymwys i gyflwyno cais am statws Nyrs Gofrestredig (Oedolion) gyda'r Cyngor Nyrsio a Bydwreigiaeth a chofrestru fel nyrs i weithio yn yr UE ac AEE. Mae rhagolygon swyddi yn rhagorol, ac mae 99% o'n graddedigion nyrsio mewn cyflogaeth mewn swydd broffesiynol neu reoli o fewn 6 mis (Astudiaeth o Ymadawyr Addysg Uwch, 2018). Gallwch ddisgwyl cyflog cychwynnol o £24,214, sy'n codi i £43,772 am nyrs staffio profiadol. Gall nyrsys arbenigol a rheolwyr ymarfer ennill £45,000.
Am Ddarganfod Mwy am Abertawe
Ydych chi’n cael eich ysbrydoli i hyfforddi ar gyfer gyrfa yn y GIG? Treuliwch yr amser i archwilio ein campws o gysur eich cartref eich hun gan ddefnyddio ein rhith-daith, siaradwch â rhai o'n myfyrwyr cyfredol am sut brofiad yw astudio yn Abertawe a sicrhewch eich bod chi'n cofrestru ar gyfer ein Diwrnod Agored nesaf lle gallwch, yn bersonol, brofi Abertawe, ein cymuned a'n cyrsiau.
