Diwrnodau Agored Israddedig

Bydd dal modd i chi archwilio ein campysau hardd, cwrdd â'n staff addysgu a chael mewnwelediad go iawn i sut beth yw hi i fod yn fyfyriwr ym Mhrifysgol Abertawe.

Byddwch hefyd yn cael cyfle i archwilio ein cyfleusterau addysgu, opsiynau llety, cyfleusterau chwaraeon ac ystod o wasanaethau cymorth a chyngor ar gyllid myfyriwr a chymorth ariannol.

Bydd llawer i'w wneud ar un o ddiwrnodau agored y Brifysgol. Mae diwrnodau agored yn ffordd wych o gwrdd â'r staff a fydd yn eich addysgu yn eich maes pwnc a bydd staff yn hapus i ateb eich holl gwestiynau. Bydd myfyrwyr presennol Prifysgol Abertawe wrth law i gynnig safbwynt defnyddiol drwy lygaid myfyrwyr.

Mae ein ffeiriau gwybodaeth yn cynnwys gwybodaeth am wasanaethau a chymorth i fyfyrwyr, undeb y myfyrwyr, cyfleoedd i astudio dramor, cyflogadwyedd, chwaraeon a cherddoriaeth. Mae teithiau o'r campws ar gael drwy gydol y dydd a gallwch hefyd ymweld â'r cyfleusterau chwaraeon a'r llety.

Efallai y byddwch am fynd i sesiynau ar fwy nag un maes pwnc a gall ein rhaglen neu'r ap ffôn symudol defnyddiol eich helpu i gynllunio'ch diwrnod.

Mae ein diwrnodau agored yn croesawu darpar fyfyrwyr a'u rhieni/gwarcheidwaid.  Cewch gyfle i archwilio ein dau gampws hyfryd yn hamddenol ond bydd teithiau tywys ar gael hefyd a fydd yn ymweld â'n cyfleusterau, gan gynnwys ein labordai a'n lleoliadau addysgu o'r radd flaenaf.

Fel rheol, mae ein diwrnodau agored yn dechrau am 8.30am ac yn gorffen am 4pm ond gallwch ddod i'r sesiynau sydd o ddiddordeb/perthnasedd mwyaf i chi yn unig. Cynhelir y rhan fwyaf o'r sesiynau ddwywaith yn ystod y dydd a gallwch ddefnyddio ap Diwrnod Agored Prifysgol Abertawe i'ch helpu i gynllunio'ch diwrnod. Bydd y rhaglen ar gael ar-lein i'w lawrlwytho a darperir copïau caled ar y dydd.

Gallwch archwilio mwy nag un maes pwnc ar y dydd a bydd stondinau gwybodaeth pwnc ar gael ym mhob un o'n saith coleg academaidd.

Eisoes wedi cyflwyno cais?

Os nad ydych wedi cael y cyfle i ymweld eto neu os hoffech ymweld eto, dyma eich cyfle! Rydym wedi addasu ein digwyddiadau ar gyfer 2020 i ddisodli’r diwrnodau ymweld traddodiadol, gan roi mwy o amser i chi archwilio Prifysgol Abertawe.

Mae'n syniad da mynd i ddiwrnodau agored mor gynnar â phosib fel y gallwch dreulio digon o amser yn ystyried eich opsiynau.

Mae'r diwrnodau agored hyn yn hynod addas ar gyfer myfyrwyr ym mlynyddoedd 11, 12 a 13, yn ogystal â myfyrwyr aeddfed. Mae diwrnodau agored yn addas i'r rhai sydd eisoes wedi gwneud cais i astudio ac i'r rhai sy'n dal i ystyried eu hopsiynau.

Cofiwch ddod â'ch tocyn digidol neu gopi papur i'r diwrnod agored. Byddwch yn defnyddio hwn i gofrestru ar y dydd. Un tocyn yn unig sydd ei angen ar bob myfyriwr a does dim angen tocyn ar aelodau’r teulu neu ffrindiau i ddod i'r diwrnod agored.

Bydd ymweld â Phrifysgol Abertawe'n rhoi cyfle i chi weld pam rydym mor llwyddiannus yn y tablau cymharu prifysgolion!

Rydym wedi ennill y teitl Prifysgol y Flwyddyn yng ngwobrau Dewis Myfyrwyr Whatuni 2019. Rydym yn un o'r 30 o brifysgolion gorau yn y DU, yn ail yn y rhestr o Brifysgolion y Flwyddyn a ni yw Prifysgol y Flwyddyn Cymru (The Times a'r Sunday Times, Canllaw i Brifysgolion Da 2019).

Rydym yn un o'r 5 orau yn y DU o ran boddhad myfyrwyr (Arolwg Cenedlaethol o Fyfyrwyr 2018). Dyfarnwyd y wobr uchaf bosib i ni, sef y wobr aur, yn y Fframwaith Rhagoriaeth Addysgu (2018). Rydym hefyd wedi ennill pum seren am ansawdd addysgu gan y system graddio prifysgolion byd-eang, QS Stars.

Mae ein campysau mewn lleoliadau hyfryd, yn enwedig Campws y Bae, sydd wrth ymyl y traeth ei hun.  Rydym yn adnabyddus am ein croeso cynnes a'n cyfeillgarwch, rhywbeth mae myfyrwyr ac ymwelwyr yn sôn amdanynt yn aml - ac rydym yn falch iawn o'n diwylliant o gynwysoldeb.