Labordai Cynaliadwy

Pam labordai a gweithdai?

Mae’r Brifysgol wedi ymrwymo i leihau ei hallyriadau carbon i sero carbon gan allyriadau Cwmpas 1 a 2 erbyn 2040, ynghyd â herio targedau Cwmpas 3. Er mwyn i ni gyflawni hyn bydd angen i ni ystyried sut rydyn ni’n gweithredu ym mhob ardal ar draws y Brifysgol, gan gynnwys labordai a gweithdai.

Mae labordai a gweithdai yn ardaloedd lle defnyddir lefelau uchel o adnoddau ac amcangyfrifir eu bod yn defnyddio’r canlynol*

Teirgwaith a 10 gwaith mwy o ynni na swyddfeydd
Pedair gwaith mwy o ddŵr na swyddfeydd
Pum a hanner o dunelli metrig o wastraff plastig

*Fy Lab Gwyrdd

A male and female student in white lab coats in a Chemistry Lab

Beth gallwn ni ei wneud i wella cynaliadwyedd gweithrediadau ein labordai?

Drwy gydnabod effaith ein hymchwil, nodi cyfleoedd a lliniaru agweddau negyddol yn lleol, gallwn wella cynaliadwyedd ein gweithrediadau. Dyma rai ffyrdd y gallwch chi helpu gyda hyn:

Ymunwch â'n rhaglen achredu labordai cynaliadwy 'LEAF'
Byddwch yn ymwybodol o'r holl weithdrefnau gweithredol sy'n berthnasol i'ch gweithgareddau
Ystyriwch gyfleoedd ac effeithiau cynaliadwyedd yn eich ceisiadau am grantiau
Ychwanegwch effeithiau amgylcheddol at eich asesiad risga dangoswch sut y byddwch yn eu rheoli ac yn eu lliniaru nhw; gall risgiau gynnwys gwastraff, allyriadau i'r awyr, gollyngiadau i'r draen, defnyddio adnoddau, ynni a theithio
Dylech gynnwys lliniaru yn eich Gweithdrefnau Gweithredu Diogel canlyniadol (SOPs), o ddiffodd cyfarpar i ddefnyddio’r ffrydiau gwastraff cywir
Meddyliwch am ba gyfleoedd cynaliadwyedd cadarnhaoly gallech chi eu defnyddio
Rhannwch arfer dai helpu eraill i leihau eu heffeithiau negyddol a gwella eu heffeithiau cadarnhaol
Ymunwch â'ch Rhwydwaith Diogelwch a Chynaliadwyedd lleol i rannu syniadau ar draws y Brifysgol

Cysylltwch â'ch Swyddog Amgylcheddol lleol i gael rhagor o wybodaeth neu i drafod mentrau e.e. cynllun ailgylchu labordai, i sicrhau eu bod yn bodloni gofynion y brifysgol.

Archwiliwch themâu a syniadau allweddol am wneud eich ardal yn fwy cynaliadwy

Hyfforddiant i'ch cefnogi chi

Gallwch chi a'ch cydweithwyr yn y labordy ymuno â sesiwn hyfforddiant wahanol iawn, gan ddysgu am newidiadau syml sy'n gallu cael effaith fawr ar ba mor amgylcheddol ymwybodol y gall eich gweithrediadau a'ch ardaloedd fod. Gallwch gyflwyno cais am sesiwn hyfforddi ar gyfer eich labordy neu ymuno ag un sydd wedi'i threfnu!

Ymunwch â LEAF

Mae LEAF yn agored i'r holl labordai ar y campws er mwyn helpu i leihau'r effaith amgylcheddol. Mae labordai sy'n ymuno â LEAF hefyd yn gallu cael mynediad at ein ‘Grantiau Labordai Cynaliadwy’ sydd ar gael i gefnogi labordai i fod yn fwy arloesol a chynaliadwy.