Cronfa Gwobrau Her Myfyrwyr Jiwbilî Blatinwm y Frenhines

Mae'r 'Her' hon ar agor i holl fyfyrwyr Prifysgol Abertawe (israddedig ac ôl-raddedig).

Rydym am i chi ddylunio prosiectau creadigol ac arloesol ar y campws a all ein helpu i gyflawni ein huchelgais o fod yn brifysgol sero net erbyn 2035.

Hoffem i chi gyflwyno eich syniadau creadigol ac arloesol ar gyfer prosiectau ar y campws a arweinir gan fyfyrwyr (treialon neu ymchwil fyw) sy'n ceisio, naill ai lleihau ein hallyriadau carbon, neu ddangos newid cynaliadwy mewn ymddygiad.

Gall y prosiectau gael eu llunio a'u cyflawni ar y cyd â phartneriaid cymunedol lleol, ar yr amod bod manteision clir ar y cyd, a gallwch ddangos bod effaith ar allyriadau carbon.

Ynni

Syniadau ar gyfer atebion Peirianneg; Newid sefydliadol; Mewnwelediad a newid ymddygiadol; Microgynhyrchu.

Bwyd

Syniadau ar gyfer lleihau allyriadau amaethyddol; Milltiroedd bwyd a'i ddosbarthiad Coginio a bwyd gwastraff; Allyriadau tirlenwi.

Teithio

Syniadau sy'n lleihau allyriadau drwy gludiant y Campws; Ymchwil i deithio; Teithio myfyrwyr gartref.

Gwaredu Carbon

Syniadau sy'n cynnig atebion naturiol; Atebion technolegol.

Bydd un cais gan Brifysgol Abertawe'n cael ei ddewis gan Arweinydd Her Myfyrwyr y Brifysgol a'i gyflwyno i banel llunio rhestr fer Cronfa'r Wobr; a chaiff 5 treial buddugol y myfyrwyr eu cyhoeddi ar ddiwedd mis Mehefin.

Bydd y gwobrau'n cael eu dyfarnu yn y symiau canlynol: £5,000, £10,000 neu £15,000.

Rhaid i ymgeiswyr nodi'r swm sydd ei angen a sut bydd yr arian hwnnw'n cael ei ddefnyddio i gyflawni'r prosiect. Bydd rhaid i'r treialon buddugol gael eu gweithredu ar y campws rhwng mis Gorffennaf a mis Rhagfyr 2022 a bydd angen cyflwyno adroddiad cynnydd 2 dudalen erbyn canol mis Hydref, gan amlinellu'r prosiect a'i effaith fesuradwy.

Bydd angen i chi gyflwyno cais ysgrifenedig gan ddefnyddio'r ffurflen ar-lein isod, yn ogystal â fideo byr am y prosiect i ddisgrifio eich syniad, sut bydd yn gweithio a'i effaith bosib. Ni ddylai eich fideo fod yn fwy na dwy funud o hyd a dylech ei anfon fel ffeil MP4 i: ……..

Rhaid i'ch cais ddangos ei fod yn bodloni’r meini prawf canlynol:

· Ymarferol - rhaid i chi allu gweithredu'r treial rhwng mis Gorffennaf a mis Rhagfyr 2022 gan ddefnyddio'r adnoddau a’r arian a ddyfernir.

· Arloesol - Rhaid i'r syniad fod yn greadigol ac yn arloesol yn y sector yn y DU.

· Effaith - Rhaid i'r effaith carbon a'r canlyniadau ehangach fod yn fesuradwy h.y. rhaid defnyddio data effaith i asesu canlyniadau'r treial erbyn mis Rhagfyr 2022.

· Graddfa - Syniadau sydd â'r potensial i gael eu rhoi ar waith ar raddfa ehangach mewn sefydliadau eraill a chael yr effaith fwyaf ar leihau carbon yn y sector addysg.

· Ymgysylltu - syniadau sy'n dangos lefel uchel o ynni, cyffro ac ymgysylltiad gan y myfyrwyr eu hunain.