Gwybodaeth Am Gadarnhad Derbyn I Astudio (CAS)

Canllaw ynghylch sicrhau eich Cadarnhad Derbyn i Astudio (CAS)

Beth Yw Cadarnhad Derbyn i Astudio (CAS)?

Bydd angen rhif Cadarnhad Derbyn i Astudio ar fyfyrwyr rhyngwladol sy’n gwneud cais am Fisa Myfyrwyr Haen 4.Mae’r rhif hwn yn cadarnhau i Fisâu a Mewnfudo’r DU (UKVI) eich bod wedi cael eich derbyn i astudio mewn prifysgol ddilys yn y DU. Unwaith y byddwch wedi bodloni nifer o amodau, gan gynnwys derbyn cynnig diamod, anfonir datganiad Cadarnhad Derbyn i Astudio atoch a fydd yn cadarnhau eich rhif CAS.

Sicrhau Eich Cadarnhad Derbyn i Astudio (CAS)

Gwybodaeth gam wrth gam ynghylch sicrhau eich rhif/datganiad CAS o Brifysgol Abertawe

Byddwn yn anfon neges e-bost atoch yn nodi'ch rhif CAS o fewn 6 mis i ddyddiad cychwyn y cwrs, ar ôl i chi fodloni’r holl ofynion ar y rhestr wirio isod:

1.	Cael cynnig diamod o le i astudio Os ydych wedi cael cynnig diamod, bydd angen i chi fodloni telerau’r cynnig cyn y gellir cyflwyno CAS
2.	Derbyn eich cynnig
3.	Dychwelyd eich Holiadur Astudiaethau Blaenorol Previous Study Questionnaire (Holiadur Astudiaethau Blaenorol) Os ydych wedi astudio yn y DU yn y gorffennol, cyflwynwch lythyr Cadarnhad Derbyn i Astudio neu lythyr cofrestru o’r sefydliad blaenorol (gan gynnwys dyddiadau cychwyn a gorffen a manylion am unrhyw fylchau o ran astudio) yn ogystal â chopi o’r fisa/fisâu a gawsoch i astudio yn ystod y cyfnod hwn. Dylid cwblhau’r cwestiynau am “Bwriad i Astudio” mor llawn ag sy’n bosibl. Bydd hyn hefyd yn eich helpu i baratoi ar gyfer Cyfweliad Hygrededd os bydd angen un arnoch fel rhan o’ch proses gwneud cais am fisa.
4.	Anfon copïau clir a lliw o’r tystysgrifau a’r trawsgrifiadau a ddefnyddiwyd fel rhan o’ch cais. Caiff manylion y rhain eu rhestru ar eich CAS ac felly mae’n rhaid eu darparu hefyd wrth wneud eich cais am fisa.
5.	Anfon copi clir o’ch pasbort.
6.	Anfon canlyniadau eich profiad iaith Saesneg (os yw’n briodol)
7.*	Talu blaendal tuag at eich ffioedd dysgu (£4000 fan leiaf) NEU wedi cyflwyno copi i ni o lythyr gan y noddwr ariannol swyddogol sy’n gyfrifol am dalu eich ffioedd a/neu eich costau cynnal. Gweler isod am ragor o wybodaeth. *Llythyr Nawdd Ariannol: mae’n rhaid bod eich llythyr nawdd ariannol yn enwi Prifysgol Abertawe fel eich sefydliad dewisol, ac mae’n rhaid i’r llythyr ddod o ‘noddwr ariannol swyddogol,’ hynny yw, Llywodraeth Ei Mawrhydi, eich llywodraeth gartref, y Cyngor Prydeinig neu gwmni neu sefydliad a gydnabyddir yn rhyngwladol, Prifysgol neu Ysgol Annibynnol. Ni fydd Fisâu a Mewnfudo’r DU yn derbyn mathau eraill o noddwyr, megis aelodau teulu, fel tystiolaeth o’r nawdd. NEU eich bod wedi cadarnhau eich bod wedi cael Benthyciad Ffederal UDA. (Fel arfer, ni fyddai angen i chi dalu blaendal os ydych yn derbyn cymorth ariannol gan noddwr swyddogol neu drwy Fenthyciad Ffederal UDA.)

Unwaith y byddwn wedi derbyn pob un o’r dogfennau hyn, a bod eich blaendal wedi’i glirio, bydd y Swyddog Derbyn yn dechrau paratoi eich datganiad Cadarnhad Derbyn i Astudio. Bydd datganiad Cadarnhad Derbyn i Astudio yn cymryd hyd at 10 diwrnod gwaith ar ôl derbyn pob un o’r dogfennau a nodir uchod.

Sylwer: Byddwn yn anfon copi o’ch datganiad a fydd yn cynnwys eich rhif Cadarnhad Derbyn i Astudio atoch drwy e-bost neu at eich asiantaeth ddynodedig. Ni fydd anfon copi gwreiddiol o’r llythyr arnoch.

**Sylwer, er bod y Cadarnhad Derbyn i Astudio yn ddilys am 6 mis o’r dyddiad y caiff ei gyflwyno, ni fyddwch yn gallu gwneud cais am eich fisa tan 3 mis cyn i’r cwrs ddechrau**

Yr hyn y byddwn yn ei restru ar eich datganiad Cadarnhad Derbyn i Astudio

Eich rhif Cadarnhad Derbyn i Astudio (CAS);
Eich manylion personol (enw llawn, cenedligrwydd, rhif pasbort);
Rhif Trwydded Nawdd Prifysgol Abertawe (SLN);
Manylion am eich cwrs (enw’r cwrs a lefel, dyddiadau cychwyn a gorffen, math o astudio);
Ffioedd (ffioedd dysgu, faint o flaendal a dalwyd neu enw eich noddwr);
Manylion y dogfennau a welsom pan wnaethom eich cynnig (mae’n rhaid i chi fynd â chopïau gwreiddiol a chyfieithiadau ardystiedig o’r dogfennau hyn gyda chi pan fyddwch yn gwneud cais am eich fisa, oherwydd y byddant yn cael eu gwirio gan y Swyddog Clirio Mynediad);
Manylion am unrhyw astudiaethau eraill a wnaed yn flaenorol yn y DU;
Datganiad ATAS (os yw’n briodol), gweler gwefan y Swyddfa Dramor a Chymanwlad am ragor o fanylion;

Talu eich blaendal

Y ffordd hawsaf a chyflymaf i dalu eich blaendal yw ar-lein gan ddefnyddio cerdyn credyd neu ddebyd (ond nid American Express) drwy Fewnrwyd Prifysgol Abertawe. Ewch i: https://intranet.swan.ac.uk/login/

1. Rhowch eich enw defnyddiwr a’ch cyfrinair.

Wrth fewngofnodi am y tro cyntaf, eich enw defnyddiwr yw eich rhif myfyriwr, ac mae cyfrinair wedi'i osod i chi'n awtomatig ar sail eich rhif myfyriwr a'ch dyddiad geni. Er enghraifft, os 123456 yw'ch rhif myfyriwr a 1 Mehefin 1995 yw'ch dyddiad geni, teipiwch "123456" ar gyfer eich enw defnyddiwr a "123456/01/06/1995" fel eich cyfrinair"
Ar ôl mewngofnodi, byddwch yn cytuno i ddatganiad diogelu data a datganiad amodau a thelerau
Dylech wedyn newid eich cyfrinair
Gallwch dalu gydag unrhyw gerdyn credyd oni bai am American Express.
Sylwer y codir tâl o 1.5% i bob trafodiad ar gyfer taliadau drwy gardiau credyd.
Sicrhewch fod y swm yn gywir cyn clicio Cwblhau Taliad.

2. O dan Proffil Myfyriwr, cliciwch ar Trafodion Ariannol

3. Ticiwch i ddewis categori ffioedd (er enghraifft, Ffioedd Dysgu Ôl-raddedig os ydych wedi cael eich dewis ar gyfer gradd ôl-raddedig yn Abertawe. Byddwch yn dewis Ffioedd Dysgu Israddedig os ydych wedi cael cynnig ar raglen israddedig).

4. Rhowch y swm yr hoffech ei dalu (o leiaf £2,000) a chlicio ar Gwneud Taliad pan fyddwch yn barod i symud ymlaen. Sylwer: Ar yr adeg hon, anwybyddwch gyfanswm y swm sy'n ddyledus - bydd hyn yn cael ei ddiweddaru ar ôl i chi gyrraedd Abertawe.

5. Rhowch gyfeiriad bilio eich cerdyn a manylion am eich cerdyn.

6. Byddwch yn gweld neges yn cadarnhau'r taliad. Cofnodwch rif y dderbynneb er mwyn cyfeirio ato yn y dyfodol.

Fel arall, gallwch dalu trwy drosglwyddiad telegraffig i gyfrif banc Prifysgol Abertawe. Sylwer bod y taliadau hyn yn gallu cymryd rhwng 10 a 15 diwrnod i glirio, felly bydd eich datganiad Cadarnhad Derbyn i Astudio yn cymryd mwy o amser i'w baratoi. Dyma'r manylion y bydd eu hangen arnoch:

Lloyds Bank PLC, Stryd Rhydychen, Abertawe, SA1 3AP

Côd Didoli: 30 95 46 Rhif y cyfrif: 02783215

Côd Swift: LOYDGB21101 IBAN NO: GB64LOYD30954602783215

Rhaid i chi ddyfynnu'ch rhif myfyriwr wrth wneud taliad (sef y rhif ar ben eich llythyr cynnig), neu efallai na fyddwn yn gallu cysylltu'ch blaendal â'ch cais.

Os yw llywodraeth neu gwmni'n talu eich ffioedd, dylech ofyn iddynt am lythyr yn cadarnhau hyn (gweler yr adran o'r enw 'Pryd byddaf yn derbyn fy rhif/datganiad Cadarnhad Derbyn i Astudio?') Fel arfer, ni fyddai angen i chi dalu blaendal os ydych yn derbyn cymorth ariannol gan noddwr swyddogol neu drwy Fenthyciad Ffederal UDA. Yn anffodus, nid ydym yn derbyn rhieni nac aelodau teulu'n noddwyr, ac nid ydynt yn dderbyniol at ddibenion fisa.

Cwestiynau Cyffredin

Pryd byddaf yn derbyn fy Nghadarnhad Derbyn i Astudio?

Gallwn ddechrau gweithio ar eich datganiad Cadarnhad Derbyn i Astudio unwaith y byddwch wedi cyflwyno'r holl wybodaeth hanfodol yn unol â'r cyfarwyddiadau uchod. Gallai gymryd hyd at 10 diwrnod i gyflwyno datganiadau Cadarnhad Derbyn i Astudio. Fodd bynnag, rydym yn ymdrechu i'w hanfon yn gynt na hynny, ac mae myfyrwyr yn eu derbyn yn gynt na'r dyddiad hwn yn y rhan fwyaf o achosion. Fe'ch anogir yn gryf i ddarparu'r dogfennau angenrheidiol cyn gynted â phosibl.

Ymholiadau A fyddaf yn derbyn Cadarnhad Derbyn i Astudio ar y cyd? Beth yw'r dyddiad cau? Sut ydw i'n gwneud cais am fisa?

Cyngor ar Fisâu a Mewnfudo

MYFYRWYRRHYNGWLADOL @BYWYDCAMPWS

Mae ein hymgynghorwyr hyfforddedig ym maes mewnfudo wrth law i'ch helpu drwy'r broses gwneud cais am fisa.

Gallant hefyd eich helpu gydag unrhyw ymholiadau a allai fod gennych ynglŷn â bod yn fyfyriwr rhyngwladol yn y DU.